រាជធានីភ្នំពេញ ៖ ប្រមុខដឹកនាំប្រទេសកម្ពុជា និងប្រទេសនេប៉ាល់ បានអះអាងពីការកំណត់ទិសដៅក្នុងការធ្វើកិច្ចសហប្រតិបត្តិការទ្វេភាគីលើគ្រប់ផ្នែកទាំងអស់ ដើម្បីផ្តល់ប្រយោជន៍ឲ្យគ្នាទៅវិញទៅមក។ ក្នុងជំនួបជាមួយពិភាក្សាជាមួយលោក លោក ខេ ភី…
រាជធានីភ្នំពេញ ៖ ប្រមុខដឹកនាំប្រទេសកម្ពុជា និងប្រទេសនេប៉ាល់ បានអះអាងពីការកំណត់ទិសដៅក្នុងការធ្វើកិច្ចសហប្រតិបត្តិការទ្វេភាគីលើគ្រប់ផ្នែកទាំងអស់ ដើម្បីផ្តល់ប្រយោជន៍ឲ្យគ្នាទៅវិញទៅមក។
ក្នុងជំនួបជាមួយពិភាក្សាជាមួយលោក លោក ខេ ភី សាម៉ា អូលី (The Rt. Hon’ble K. P. Sharma Oli) នាយករដ្ឋមន្ត្រីនៃប្រទេសនេប៉ាល់ កាលពីរសៀលថ្ងៃទី១៣ ខែឧសភា នៅវិមានសន្តិភាព សម្តេចតេជោនាយករដ្ឋមន្ត្រីបានបញ្ជាក់ថា «យើងគួរតែខិតខំជំរុញសេដ្ឋកិច្ច ពាណិជ្ជកម្ម វិនិយោគ និងទេសចរណ៍ឲ្យកាន់តែខ្លាំងក្លាថែមទៀត ព្រោះកន្លងមកនេះ ពេលសម្តេចតេជោបានទៅទស្សនកិច្ចនៅប្រទេសនេប៉ាល់ ដោយក្រសួងការបរទេស គឺប្រទេសនៃប្រទេសទាំងពីរបានចុះហត្ថលេខាទៅលើកិច្ចព្រមព្រៀងពិគ្រោះយោបល់ផ្នែកនយោបាយ ការទូតនៃប្រទេសទាំងពីររួចហើយ»។
សម្តេចតេជោក៏បានស្នើឲ្យបង្កើនល្បឿនថែមទៀតធ្វើយ៉ាងណាយើងត្រូវកំណត់ទិសដៅក្នុងការជំរុញទៅលើកិច្ចសហប្រតិបត្តិការគ្រប់ផ្នែកទាំងអស់ ដែលជាផលប្រយោជន៍ទៅវិញទៅមក។
ជាមួយគ្នានោះដែរ សម្តេចតេជោក៏បានលើកឡើងថា បច្ចុប្បន្នទោះបើសេដ្ឋកិច្ចនៃប្រទេសយើងទាំងពីរនៅមានកម្រិត ប៉ុន្តែយើងមានសក្កានុពលពង្រីកឱកាសឲ្យដល់គោលដៅ យើងឲ្យកាន់តែធំថែមទៀត។ សម្តេចតេជោបន្ថែមថា សភាពាណិជ្ជកម្មនៃប្រទេសទាំងពីរអាចចុះអនុស្សារណៈនៃការយោគយល់គ្នា ដើម្បីពង្រឹកកិច្ចសហប្រតិបត្តិការរវាងវិស័យឯកជន និងវិស័យឯកជននៃប្រទេសទាំងពីរដែលអាចធ្វើការជាមួយគ្នាបាន។
សម្តេចតេជោនាយករដ្ឋមន្ត្រី ក៏បានបញ្ជាក់ផងដែរថា គួរតែជំរុញធ្វើយ៉ាងណាឲ្យមានកិច្ចព្រមព្រៀងទៅលើវិស័យដឹកជញ្ជូន អាកាសចរណ៍រវាងប្រទេសទាំងពីរ ព្រោះថា ប្រទេសយើងទាំងពីរមានសក្តានុពលលើវិស័យទេសចរណ៍ផងដែរ។ សូមជម្រាបថា ទំនាក់ទំនងកម្ពុជា-នេប៉ាល់បានចាប់ផ្តើមនៅឆ្នាំ១៩៦៤មកម្ល៉េះ ប៉ុន្តែរហូតមកដល់ពេលនេះប្រទេសទាំងពីរមិនទាន់ដាក់អគ្គរដ្ឋទូតនៅក្នុងប្រទេសរៀងខ្លួននៅឡើយទេ៕
ចែករំលែកព័តមាននេះ