សម្រាប់ទូរស័ព្ទ iPhone ជំនាន់ថ្មីដែលនឹងបង្ហាញខ្លូននាពេលខាងមុខ បច្ចុប្បន្នក៏ដូចជាពេល កន្លងមកនេះតែងតែមានលេចចេញព័ត៌មានចចាមអារ៉ាម និង គំរូថ្មីៗជាច្រើន ហើយជាក់ស្តែង ថ្មីៗនេះមានលេចចេញនូវគំរូថ្មីដ៏ស្រស់ស្អាតមួយទៀតសម្រាប់ iPhone ជំនាន់ថ្មី គឺ iPhone 11 និង Max 11R ។ ការបង្ហាញគំរូថ្មីនេះត្រូវបានបង្កើតឡើងដោយ Hasan Kaymak Innovations ។
ប្រភពព័ត៌មាន iclarified បានចេញផ្សាយឱ្យដឹងថា ដូចពាក្យចចាមអារ៉ាម ទូរស័ព្ទ iPhone 11 Max នឹងមានកាមេរ៉ាដល់ទៅបីគ្រាប់នៅកន្លែងដាក់កាមេរ៉ារាងការ៉េ ។ ចំពោះទូរស័ព្ទ iPhone 11R មានលក្ខណៈពិសេសកាមេរ៉ាពីរប៉ុន្តែដាក់ផ្ដេកស្រដៀងទៅនឹងការរចនាម៉ូដគំរូដែលបាន បង្ហាញកាលពីដើមឆ្នាំនេះ ។
សូមបញ្ជាក់ផងដែរថាឧបករណ៍ទាំងពីរនេះត្រូវបានគេរំពឹងថា នឹងដំណើរការលើបន្ទះឈីប A13 ថ្មីដែលផលិតដោយក្រុមហ៊ុន TSMC ៕ ចង់ដឹងច្បាស់ពីរូបរាងគំរូថ្មីនៃទូរស័ព្ទ iPhone ជំនាន់ថ្មីនេះសូមទស្សនាវីដេអូខាងក្រោមនេះ ៖
ចែករំលែកព័តមាននេះ