អតីតកញ្ញាឯកកម្ពុជា រឿន ណាត កំពុងតែត្រៀមខ្លួននៅក្នុងការប្រកួតសម្រស់ខ្នាតអន្តរជាតិជាថ្មី បើទោះបីជាការប្រកួតកន្លងមក នាងនៅទាន់ទទួលបានលទ្ធផលល្អជូនជាតិមាតុភូមិក៏ដោយ ។ រឿន ណាត បានអះអាងថា…
អតីតកញ្ញាឯកកម្ពុជា រឿន ណាត កំពុងតែត្រៀមខ្លួននៅក្នុងការប្រកួតសម្រស់ខ្នាតអន្តរជាតិជាថ្មី បើទោះបីជាការប្រកួតកន្លងមក នាងនៅទាន់ទទួលបានលទ្ធផលល្អជូនជាតិមាតុភូមិក៏ដោយ ។
រឿន ណាត បានអះអាងថា តាមដែលនាងខ្ញុំដឹងពីខាងក្រុមហ៊ុន ធ្លាប់មានគំរោងបញ្ជូនទៅប្រកួតកម្មវិធីផ្សេង ក៏ប៉ុន្តែនាងខ្ញុំមិនបានដឹងថា ជាកម្មវិធី Miss World ឬកម្មវិធីអ្វីទេ។ ហើយបើទោះបីជាកម្មវិធី Miss World ក្តីក៏មិនមែននៅក្នុងឆ្នាំនេះដែរ ពីព្រោះនាងខ្ញុំត្រូវត្រៀមខ្លួនហ្វឹកហាត់បន្ថែម បង្កើននូវសមត្ថភាពផ្សេងៗ ក៏ដូចជារៀនភាសាអង់គ្លេស នៅពេលដែលរួចរាល់ ទើបនាងខ្ញុំចេញទៅប្រកួតម្តងទៀត។
បើតាម រឿន ណាត ប្រសិនបើនាងពិតជាបានចូលរួមក្នុងកម្មវិធីណាមួយខាងលើក៏ដោយ នាងពិតជាមានមោនភាព និងមានភាពជឿជាក់កាន់តែខ្លាំងជាងមុន។ នាងបញ្ជាក់ថា ភាពជឿជាក់ខ្លាំងជាងមុននោះ គឺដោយសារនាងមានបទពិសោធន៍ពីការប្រកួតកន្លងទៅ បូករួមនាងបានទទួលការបណ្តុះបណ្តាលខ្លាំងជាងមុន នោះជាហេតុធ្វើនាងកាន់តែទំនុកចិត្តលើខ្លួនឯង។
យ៉ាងណាក្នុងពេលបច្ចុប្បន្ននាងកំពុងតែហាត់ពុទ្ធលត់ដំបន្ថែម ដើម្បីឱ្យខ្លួនឯងមានសមត្ថភាពគ្រប់គ្រាន់ក្នុងការចូលរួមប្រកួតលើឆាកអន្តរជាតិជាថ្មី។
គួររំលឹកថា កញ្ញា រឿន ណាត គឺជាបវរកញ្ញាកម្ពុជា ឆ្នាំ២០១៨ ដែលកន្លងមក កញ្ញាធ្លាប់បានតំណាងកម្ពុជា ទៅចូលរួមក្នុងកម្មវិធីប្រកួតសម្រស់ដ៏ធំ Miss Universe ប្រចាំឆ្នាំ ២០១៨ នៅប្រទេសថៃ និងទទួលបានការគាំទ្រយ៉ាងខ្លាំង បើទោះកញ្ញាមិនបានទទួលជោគជ័យក្នុងកម្មវិធីនោះក៏ដោយ ៕
ចែករំលែកព័តមាននេះ