មិនធម្មតាទេ បង្គោលខៀវ ធ្វើឱ្យសិស្សសំណព្វ អេ ភូថង ហាលអាវ
- ភ្នំពេញ
រាជធានីភ្នំពេញ ៖ នៅទីបំផុត ការប្រកួតជ្រើសរើសជើងឯក TV5 Knock out Series by K-Cement…
រាជធានីភ្នំពេញ ៖ នៅទីបំផុត ការប្រកួតជ្រើសរើសជើងឯក TV5 Knock out Series by K-Cement រដូវកាលទី៥ ក្នុងប្រភេទទម្ងន់៥៤គីឡូក្រាម កាលពីថ្ងៃទី១១ ខែឧសភា ឆ្នាំ២០១៩ គេមិននឹកស្មានថា កីឡាករបង្គោលខៀវ ផាន់ សូផាត មកពីក្លិបពុទ្ធសេរីវង្សខណ្ឌពោធិ៍សែនជ័យ អាចឈ្នះគូប្រកួត ហើយទម្លាក់បង្គោលក្រហម អេ ហនុមាន មកពីក្លិបអេភូថងកីឡា ដែលជាកូនសិស្សសំណព្វចិត្តរបស់អតីតកីឡាករល្បីឈ្មោះ អេ ភូថង ដែលជាកីឡាករវ័យក្មេងឡើងកូដ និងជាសិស្សជើងខ្លាំងហើយ ឱ្យហាលអាវបានសម្រេចនោះទេ ដោយសារកីឡាករបង្គោលក្រហមគឺជាជើងខ្លាំងម្នាក់។
នេះជាការប្រកួតក្នុងវគ្គជម្រុះរវាងអ្នកឈ្នះទាំង១៦នាក់ ដើម្បីឱ្យអ្នកឈ្នះក្នុងជុំទី១ទាំង១៦ ប្រកួតទម្លាក់គ្នាយកតែ៨នាក់ ក្នុងសប្ដាហ៍ទី២។
កីឡាករទាំងពីររូប បង្គោលក្រហម អេ ហនុមាន គឺជាកីឡាករជើងល្បីឈ្មោះ និងមានប្រវត្តិធ្លាប់ខ្លាំងស្ទើរគ្រប់សង្វៀនមកហើយ ទើបក្រោយការបញ្ចប់ការប្រកួត ហើយលទ្ធផលបង្ហាញថា បង្គោលខៀវដែលជាកីឡាករវ័យក្មេង និងមិនសូវមានឈ្មោះបោះសំលេង ជាអ្នកផ្ដួលឱ្យសន្លប់ក្នុងទឹកទី១ ហាក់ធ្វើឱ្យអ្នកណាៗក៏ជួយអបអរ។
កីឡាករបង្គោលខៀវ ក៏បង្ហាញអារម្មណ៍លោតកញ្ជ្រោលសប្បាយអរចង់ហោះ ព្រោះតែឈ្មោះរបស់ខ្លួនត្រូវបានប្រកួតក្នុងវគ្គ៨នាក់ ដែលសាមីខ្លួនខ្លួនឯង ក៏មិននឹកស្មានថាអាចឆ្លងផុតកីឡាករ ម៉ន ភារម្យ ផងដែរ។
យ៉ាងណាមិញលោកនៅតែបង្ហាញអារម្មណ៍ភ័យៗសម្រាប់ការប្រកួតជម្រុះក្នុងវគ្គបន្ត ដោយមិនទាន់ដឹងថា នឹងមានសំណាងបែបនឹងម្ដងទៀត ឬត្រូវជ្រុះហាលអាវ លែងបានប្រកួតបន្តនោះទេ។
ចែករំលែកព័តមាននេះ