រាជធានីភ្នំពេញ ៖ រថយន្តធន់ធំដឹកទំនិញរបស់ក្រុមហ៊ុនយីហោ (ធ ន) ដឹកឥវ៉ាន់សំពីងសំពោងខ្ពស់ហួសកំណត់ធ្វើដំណើរតាមបណ្ដោយផ្លូវ271 បើកទៅទាក់នឹងស្លាកប៉ាណូរបស់សាលារាជធានីត្រូវសមត្ថកិច្ចហាមឃាត់ បង្កឲ្យមានការភ្ញាក់ផ្អើល កាលពីវេលាម៉ោង៩និង៤០នាទីយប់ថ្ងៃទី៩ ខែឧសភានេះ…
រាជធានីភ្នំពេញ ៖ រថយន្តធន់ធំដឹកទំនិញរបស់ក្រុមហ៊ុនយីហោ (ធ ន) ដឹកឥវ៉ាន់សំពីងសំពោងខ្ពស់ហួសកំណត់ធ្វើដំណើរតាមបណ្ដោយផ្លូវ271 បើកទៅទាក់នឹងស្លាកប៉ាណូរបស់សាលារាជធានីត្រូវសមត្ថកិច្ចហាមឃាត់ បង្កឲ្យមានការភ្ញាក់ផ្អើល កាលពីវេលាម៉ោង៩និង៤០នាទីយប់ថ្ងៃទី៩ ខែឧសភានេះ នៅតាមបណ្តោយផ្លូវ 271 ទល់មុខនឹងមន្ទីរពេទ្យមិត្តភាពខ្មែរសូវៀត ស្ថិតនៅសង្កាត់ស្ទឹងមានជ័យ២ ខណ្ឌមានជ័យ ។
ប្រភពព័ត៌មានពីប្រជាពលរដ្ឋដែលនៅកន្លែងកើតហេតុបានប្រាប់អោយដឹងថា មុនកើតហេតុគេរថយន្ដធន់ធំមួយគ្រឿងម៉ាក Fuso ពណ៌បៃតង ពាក់ស្លាកលេខបាត់ដំបង 3A-0538 ជារថយន្តរបស់ក្រុមហ៊ុនដឹកជញ្ជូន (ធ ន) មានដឹកទំនិញសំពីងសំពោង បើកតាមបណ្ដោយផ្លូវ271 ក្នុងទិសដៅពីជើងទៅត្បូង មកដល់កន្លែងកើតហេតុដោយសារ តែរថយន្តនោះដឹកឥវ៉ាន់ខ្ពស់ពេក ទើបបណ្តាលឲ្យទាក់នឹងស្លាកប៉ាណូផ្សព្វផ្សាយពាណិជ្ជកម្មរបស់សាលារាជធានី ដែលមានកម្ពស់5.2 ម៉ែត្រ តែមិនបានខូចខាតទេ គ្រាន់តែបើកទៅមុខមិនរួច ភ្លាមៗនោះអ្នកឃើញហេតុការណ៍បានរាយការណ៍ទៅខាងសមត្ថកិច្ចមូលដ្ឋានភ្លាមៗ ចុះមកដល់កន្លែងកើតហេតុក៏ឃាត់រថយន្តនោះ រាយការណ៍ទៅថ្នាក់លើ ដើម្បីចុះមកត្រួតពិនិត្យ ។
បន្ទាប់ពីឃាត់រថយន្តនោះ ខាងជំនាញថ្នាក់លើចុះមកត្រួតពិនិត្យឃើញថា ស្លាកប៉ាណូមិនបានខូចខាតទេក៏ធ្វើការណែនាំអប់រំម្ចាស់រថយន្តរៀបចំឥវ៉ាន់ខ្លួនអោយមានរបៀបរៀបរយកុំអោយសំពីងសំពោងបែបនេះទៀត ក៏អោយរថយន្តនោះបន្តដំណើរទៅមុខបន្តទៀត ទៅ ដោយមិនបានធ្វើការផាកពិន័យចំពោះការដឹកលើសចំណុះនោះទេ ៕
ចែករំលែកព័តមាននេះ