ខេត្តកំពង់ស្ពឺ ៖ សេចក្តីរាយការណ៍បន្តឱ្យដឹងទៀតថា ស្ថិតនៅចំពោះសមត្ថកិច្ច ថ្ងៃទី០៩ ឧសភា នេះ ជនសង្ស័យជាខ្មាន់កាំភ្លើងដែលបាញ់សម្លាប់លោកគ្រូបង្ហាត់កីឡា បានឆ្លើយសារភាពរៀបរាប់ទាំងអស់ពី
រឿងរ៉ាវធ្វើឱ្យខ្លួនមានកំហឹងដុតរោលក្តៅដូចភ្លើងទៅសម្លាប់ជនរងគ្រោះ ។ ជននេះថាខ្លួនគេឈ្មោះជួន
ធានី មានអាយុ២៩ឆ្នាំ មុខរបរជាជាងមាស មានទីលំនៅក្នុងឃុំនរា ស្រុកសង្កែ ខេត្តបាត់ដំបង ។
ឈ្មោះជួន ធានី បានសារភាពបន្តថា កាលពីអំឡុងខែ២ ក្នុងឆ្នាំ២០១៥ ខ្លួនបានមកលេងសាច់ញាតិនៅខេត្តកំពង់ស្ពឺ យប់មួយក៏បានបបួលគ្នាទៅរាំលេងនៅក្លឹបអេឡេកូក៏បានស្គាល់ប្រពន្ធខ្លួននៅទីនោះ ហើយក៏បង្កើតបានជាទំនាក់ទំនងស្នេហាឈានដល់រៀបការជាមួយគ្នានៅថ្ងៃទី១៦ ខែឧសភា ឆ្នាំ២០១៥ ។ ក្រោយរៀបការ ដោយការរស់នៅមិនចុះសំរុងនឹងគ្ន ាខាងស្រីចេះតែចោទប្រកាន់ខ្លួនថា បានមើលងាយឱពុកម្តាយនាង ហើយការរស់នៅជាមួយគ្នាបានរយៈពេល៣ឆ្នាំ ក៏ចេះតែមានរឿងរកាំរកូសមិនចេះចប់ ។
ជននេះបន្តថា បន្ទាប់ពីមានរឿងមិនចេះចប់ខ្លួន ក៏បានស៊ើបដឹងថា មុនពេលមករៀបការជាមួយខ្លួននោះ ប្រពន្ធបានបង្កើតទំនាក់ទំនងស្នេហាជាមួយឈ្មោះទូច វាសនា (លោកគ្រូកីឡាដែលត្រូវជនបាញ់សម្លាប់) តាំងឆ្នាំ២០១៣ មកម្លេះ ទើបការរស់នៅជាប្តីប្រពន្ធនេះចេះតែមានបញ្ហារហូតមក ។ ចំពោះឈ្មោះទូចវាសនា ក៏បានរៀបការជាមួយនារីម្នាក់ឈ្មោះលីលី អាយុ២១ឆ្នាំ (គ្មានកូន) ដែរ។ បើទោះជាគេ (ទូចវាសនា) រៀបការហើយក្តី នៅតែចិញ្ចឹមចិត្តតាមចែចង់ប្រពន្ធខ្លួនជាដរាប។
នៅពេលដែលមានគេប្រាប់ពីរឿងប្រពន្ឋខ្លួននិងទូចវាសនាណាត់ជួបគ្នានេះ ខ្លួនក៏បានលួចបង្កប់ប្រដាប់
ថតសំឡេងនៅទូរស័ព្ទរបស់ប្រពន្ធ ហើយដឹងថា ពួកគេណាត់ជួបគ្នាលេងល្បែងលើគ្រែញយដងទៀត ។ ក្រោយ មក នៅពេលដែលខ្លួនស្តាប់ឮសំឡេងសន្ទនាគ្នា រវាងទូចវាសនា និងប្រពន្ឋរបស់ខ្លួនណាត់គ្នាទៅលេងល្បែងលើគ្រែ ពេលនោះហើយដែលខ្លួនគិតថា មិនអាចរស់នៅជាមួយគ្នាបានទៀតនោះទេ ក៏ឈានដល់ការចែកផ្លូវគ្នានៅតុលាការកំពង់ស្ពឺអំឡុងឆ្នាំ២០១៨ ។
បើទោះជាលែងលះគ្នាហើយក្តី ក៏ប្រពន្ឋខ្លួនសុខស្រីនាង នៅឆាតឬតេមកខ្លួន សុំលុយចាយជានិច្ច្មិនដែលខាននោះទេ។ នៅពេលដែលផ្ញើលុយអោយអតីតប្រពន្ធម្តងៗ គេតែងប្រាប់ថា បើយកអ្នកណាធ្វើប្តីយកចុះតែកុំយកទូចវាសនា នេះ ។ ការនិយាយបែបនេះ មិនត្រឹមតែអតីតប្រពន្ធមិនស្តាប់ទេ គឺគេបានយកទូចវាសនាធ្វើប្តីពេញមុខតែម្តង ដោយរស់នៅជាមួយគ្នានៅភូមិកែវឧត្តម ឃុំត្រពាំងគង ស្រុកសំរោងទងខេត្តកំពង់ស្ពឺនេះ ហើយខណៈដែលទូច វាសនា នេះ មានប្រពន្ធទៅហើយ ។
ពេលដែលពួកគេរស់នៅជាមួយគ្នា គឺគេបានតេតាមឆាតមកខ្លួន អោយមើលពួកគេដេកឱបគ្នាហើយទូចវាសនា ថើបប្រពន្ឋខ្លួនអោយមើលញយដង និងប្រាប់និយាយថា «អញថើបប្រពន្ធឯងហើយ..ប្រពន្ឋឯង ឯងធ្វើក្តអីអញកើត» ដោយអត់ទ្រាំនឹងទង្វើរបស់អតីតប្រពន្ឋនិងទូចវាសនា លែងបាន ខ្លួនក៏សម្រេចចិត្តទិញអាវុធយកមកបាញ់ទូចវាសនាចោលតែម្តង ។
ប្រភពចុងក្រោយថា នៅថ្ងៃទី១០ ឧសភា ជនសង្ស័យនឹងត្រូវបញ្ជូនទៅកាន់សាលាដំបូងខេត្ត ដើម្បីបន្តនីតិវិធី ។
ចែករំលែកព័តមាននេះ