រាជានីភ្នំពេញ ៖ រថយន្តមួយគ្រឿងបើកបោះពួយល្បឿនលឿនជ្រុលគេចមិនទាន់ទៅបុកចំក្បាលនាគពុះចែកទ្រូងផ្លូវបាក់ខ្ទេច៣កង់ ខ្ទេចទាំងរថយន្តស្លាប់ខ្លួនឯង កាលពីវេលាម៉ោង៤និង៣០នាទីព្រឹក ថ្ងៃទី០៩ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវសហព័ន្ធរុស្សី មុខច្រកចូលព្រលានថ្មី…
រាជានីភ្នំពេញ ៖ រថយន្តមួយគ្រឿងបើកបោះពួយល្បឿនលឿនជ្រុលគេចមិនទាន់ទៅបុកចំក្បាលនាគពុះចែកទ្រូងផ្លូវបាក់ខ្ទេច៣កង់ ខ្ទេចទាំងរថយន្តស្លាប់ខ្លួនឯង កាលពីវេលាម៉ោង៤និង៣០នាទីព្រឹក ថ្ងៃទី០៩ ខែឧសភា ឆ្នាំ២០១៩ ស្ថិតនៅតាមបណ្តោយផ្លូវសហព័ន្ធរុស្សី មុខច្រកចូលព្រលានថ្មី ភូមិក្បាលដំរី២ សង្កាត់កាកាប២ ខណ្ឌពោធិសែនជ័យ ។
រថយន្តជួបគ្រោះថ្នាក់ខាងលើ ម៉ាក morning ពណ៌ទឹកសមុទ្រ ពាក់ស្លាកលេខ ភ្នំពេញ 2Z-9375 មានម្ចាស់អ្នកបើកបរឈ្មោះ ម៉ុន តៃជរ ភេទប្រុស អាយុ២៦ឆ្នាំ មុខរបរបកប្រែចិន រោងចក្រ ស្នាក់នៅផ្ទះជួល ភូមិកន្ទោកជើង សង្កាត់កន្ទោក ខណ្ឌកំបូល មានស្រុកកំណើតភូមិខ្ពបតាងួន ឃុំខ្ពបតាងួន ស្រុកស្ទឹងត្រង់ ខេត្តកំពង់ចាម ។
តាមសាក្សីឃើញហេតុការណ៍បានឲ្យដឹងថា មុនកើតហេតុរថយន្តបង្កបើកល្បឿនលឿនពីកើតទៅលិចលុះដល់ចំណុចកើតហេតុមិនដឹងថា ជនរងគ្រោះស្រវឹង ឬងងុយដេកទើបជ្រុលទៅបុកក្បាលនាគពុះចែកទ្រូងផ្លូវលាន់ដូចផ្ទុះគ្រាប់បែករថយន្តវិលមួយជុំក្បាលនាគទ្រូងផ្លូវបាក់ បែកអស់ចំនួន៣កង់ អ្នកបើកបរស្លាប់ភ្លាមៗនៅក្នុងរថយន្ត ទោះជាពលរដ្ឋជួយទាញចេញ ប៉ុនប៉ងយកទៅសង្គ្រោះក៏មិនទាន់ផង ។
បើតាមសាច់ញាតិមិត្តភក្តិរួមការងារបានឲ្យដឹងថា ពួកគាត់មិនបានឃើញជនរងគ្រោះដេកស្នាក់នៅបន្ទប់ជួលដែរ កាលពីយប់មិញមិនដឹងថា ជនរងគ្រោះទៅដេកឯណាដែរ ស្រាប់តែនៅវេលាម៉ោងខាងលើ ឮដំណឹងថា ជនរងគ្រោះជួបរឿងអកុសលបែបនេះទៅវិញ ។
ក្រោយកើតហេតុសាច់ញាតិមិត្តភក្តិរួមការងារទៅដល់កន្លែងកើតហេតុទាំងអារម្មណ៍ក្តុកក្តួល ដោយមិននឹកស្មានដល់សមត្ថកិច្ចចុះពិនិត្យសព ត្រូវបានប្រគល់ជូនក្រុមគ្រួសារ ចាត់ចែងដឹកយកទៅធ្វើបុណ្យតាមប្រពៃណីឯស្រុកកំណើត ។ ដោយឡែករថយន្តត្រូវបានសមត្ថកិច្ចស្ទូចលើកយកទៅរក្សាទុកនៅ ការិយាល័យចរាចរណ៍ជើងគោកក្រុងភ្នំពេញ ដើម្បីកសាងឯកសារទៅតាមនីតិវិធី ៕
ចែករំលែកព័តមាននេះ