រាជធានីភ្នំពេញ ៖ យោងតាមគេហទំព័ររបស់ក្លិបបាល់ទាត់ភ្នំពេញក្រោន កាលពីថ្ងៃទី៦ ខែឧសភាឱ្យដឹងថា ក្លិបមួយនេះបានសម្រេចចិត្តចែកផ្លូវជាមួយគ្រូបង្វឹកលោក Leonardo Vitorino ហើយ បន្ទាប់ពីគ្រូបង្វឹករូបនេះដឹកនាំក្រុម…
រាជធានីភ្នំពេញ ៖ យោងតាមគេហទំព័ររបស់ក្លិបបាល់ទាត់ភ្នំពេញក្រោន កាលពីថ្ងៃទី៦ ខែឧសភាឱ្យដឹងថា ក្លិបមួយនេះបានសម្រេចចិត្តចែកផ្លូវជាមួយគ្រូបង្វឹកលោក Leonardo Vitorino ហើយ បន្ទាប់ពីគ្រូបង្វឹករូបនេះដឹកនាំក្រុម មិនបានល្អ សម្រាប់ការប្រកួត៦លើកដើមរដូវកាលថ្មីនៃលីកកំពូលកម្ពុជាឆ្នាំ២០១៩នេះ ។
ក្លិបបាល់ទាត់ភ្នំពេញក្រោនដែលជាអតីតជើងឯក៦សម័យកាល បានធ្វើការប្រកាសជាផ្លូវការកាលពីព្រឹថ្ងៃទី៦ ខែឧសភាថា ក្លិបបាល់ទាត់ភ្នំពេញក្រោន សូមជម្រាបដល់សាធារណជន និងអ្នកគាំទ្រឱ្យបានជ្រាបថា ក្លិបនិងគ្រូបង្វឹកលោកLeonardo Vitorino បានសម្រេចឯកភាពគ្នាបញ្ចប់កុងត្រាជាផ្លូវការ ក្រោយពីបានដឹកនាំក្រុមមកដល់សប្ដាហ៍ទី៦នៃលីកកំពូលកម្ពុជាឆ្នាំ២០១៩។
ព័ត័មានដ៏គួឱ្យចាប់អារម្មណ៍នេះ ដោយសារតែគេមើលឃើញថា ការដឹកនាំរបស់គ្រូបង្វឹកជនជាតិប្រេស៊ីលរូបនេះ មិនអាចធ្វើឱ្យក្រុមទទួលបានលទ្ធផលល្អសម្រាប់ការប្រកួតទាំង៦លើក។
ម្យ៉ាងវិញទៀត លទ្ធផលនេះត្រូវបានបញ្ចប់ជាមួយនឹងលទ្ធផលឈ្នះ២ប្រកួត ចាញ់៤ប្រកួត អាចចាត់ទុកថាជាលទ្ធផលដ៏អាក្រក់សម្រាប់ក្រុមតោកំណាចចាស់វស្សាមួយនេះដែលពុំធ្លាប់ជួបពីមុនមក ជាពិសេសការប្រកួតលើកចុងក្រោយបានចាញ់ក្រុមណាហ្គាវើល៣-០កាលពីចុងសប្ដាហ៍កន្លងទៅ។
គួររំឭកថា គ្រូបង្វឹកលោក Leonado Vitorino ទើបតែចុះកុងត្រាជាមួយក្លិបបាល់ទាត់ភ្នំពេញក្រោននៅឆ្នាំ២០១៩នេះប៉ុណ្ណោះ ហើយមិនត្រូវបានគេបង្ហើបឱ្យដឹងថា កុងត្រានេះមានរយៈពេលប៉ុន្មានឆ្នាំនោះទេ ៕
ចែករំលែកព័តមាននេះ