ខេត្តកំពង់ធំ ៖ ខណៈកំពុងមានការបង្ហោះលើបណ្តាញសង្គម ដែលធ្វើឱ្យបងប្អូនមានការភាន់ច្រឡំ និង
ភ័យខ្លាច លើការដែលរកឃើញរំសេវមានជាតិផ្ទុះជាច្រើន ដាក់ក្នុងទូកុងទីន័រមួយនៅកណ្តាលព្រៃ ស្ថិត
ក្នុងសាស្ត្រភូមិកំណប់ ឃុំសុចិត្រ ស្រុកសណ្តាន់នោះ នៅថ្ងៃទី០៩ ឧសភា អ្នកនាំពាក្យក្រសួងការពារជាតិ លោកនាយឧត្តមសេនីយ៍ ឈុំ សុជាតិ បានចេញមកបញ្ជាក់ថា ករណីរកឃើញគ្រាប់រំសេវយ៉ាងច្រើន នៅស្រុកសណ្តាន់ មិនមែនជាគម្រោងក្នុងការបង្កើតអំពើភេរវកម្មណាមួយនោះទេ។ លោកបានអះអាងថា មានក្រុមហ៊ុនរុករករ៉ែស្របច្បាប់មួយ បាននាំចូលមកនូវគ្រាប់រំសេវទាំងនោះ ដើម្បីបំផ្ទុះយករ៉ែរបស់ពួកគេតែប៉ុណ្ណោះ។
លោកបញ្ជាក់តាមរយៈគណនីហ្វេសប៊ុកថា «នាថ្មីៗនេះមានការភ្ញាក់ផ្អើលមួយ បន្ទាប់ពីសមត្ថកិច្ចបាន ប្រទះឃើញគ្រាប់រំសេវជាច្រើន នៅក្នុងភូមិកំណប់ ឃុំសុចិត្រ ស្រុកសណ្តាន់ ខេត្តកំពង់ធំ។ ខ្ញុំសូមបញ្ជាក់ថា ករណីនេះមិនមែនជាភេរវកម្មនោះទេ។ តាមព័ត៌មានបឋមបានឱ្យដឹងថា គ្រាប់រំសែវទាំងនោះ គឺក្រុមហ៊ុនរុករករ៉ែស្របច្បាប់នៅតំបន់នេះ បាននាំចូលមកដើម្បីបំផ្ទុះយករ៉ែរបស់ពួកគេ»។
មន្ត្រីជាន់ខ្ពស់សាលាខេត្តកំពង់ធំក៏បានថ្លែងដែរថា រំសេវទាំងនេះ គឺមានយូរមកហើយ ដែលក្រុមហ៊ុន
ថៃមួយ មានអាជ្ញាប័ណ្ណត្រឹមត្រូវនាំចូលដើម្បីធ្វើអាជីវកម្មយករ៉ែ ប៉ុន្តែក្រោយមកក្រុមហ៊ុនថៃ បានជួលអាជីវកម្មទាំងនេះ ទៅឱ្យក្រុមហ៊ុនចិនធ្វើម្តង ។
ក្រោយពីដំណើរការអាជីវកម្ម ក្រុមហ៊ុនទាំងពីរទំនងមានជម្លោះនឹងគ្នា ទើបខាងក្រុមហ៊ុនថៃ បានឱ្យគេទៅថតរំសេវទាំងនេះ យកមកផ្សព្វផ្សាយរហូត ចេញជាព័ត៌មានចង់ប្រព្រឹត្តអំពើបទល្មើស ក៏ដូចជាអំពើភេរវកម្មយ៉ាងដូច្នេះទៅវិញ ។
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ