បន្ទាប់ពីធ្វើការផ្លាស់ប្តូរមួយចំនួនលើប្រព័ន្ធដំណើរការរបស់នាឡិកា Smartwatch អ្នកស្រាវជ្រាវនៅវិទ្យាស្ថាន Human-Computer Interaction Institute (HCII) ក្រោមសាកលវិទ្យាល័យ Carnegle Mellon University បានស្វែងដឹងពីសកម្មភាពរបស់អ្នកប្រើ់ពេលដែកំពុងពាក់នាឡិកា ។
ក្រុមស្រាវជ្រាវបានប្រើ Accelerometer របស់នាឡិកាដើម្បីទស្សទាយន៍តាមរយៈសកម្មភាពដៃរបស់អ្នកប្រើប្រាស់ ។ កម្មវិធីមួយលើនាឡិកាអាចផ្គូរផ្គងចលនាទាំងនោះជាមួយនឹងសកម្មភាពការរស់នៅប្រចាំថ្ងៃដែលរួមមានដូចជាការវាយក្តារកុំព្យូទ័រ លាងចាន ចាក់ទឹក ឬប្រើកន្ត្រៃជាដើម។
លោក Chris Harrison ដែលជាជំនួយការសាស្ត្រាចារ្យនៅ HCII និងប្រធានក្រុម Future Interfaces Group បានឲ្យដឹងថា ពួកយើងចង់ឲ្យស្មាតហ្វូនក្លាយជាឧបករណ៍ការពារថ្មីមួយដែលអាចកត់ត្រាពីសកម្មភាពរស់នៅប្រចាំថ្ងៃរបស់អ្នកប្រើប្រាស់ ។ កម្មវិធីជាច្រើនបានធ្វើឲ្យវាកាន់តែវៃឆ្លាតផងដែរ ។
អ្នកនាំពាក្យរបស់សាកលវិទ្យាល័យខាងលើបានឲ្យដឹងថា នាឡិកា Smartwatch អាចនឹងចេះដឹងមិនរំខានដល់អ្នកប្រើប្រាស់ពេលដែលកំពុងធ្វើសកម្មភាពសំខាន់ៗដូចជាប្រើកាំបិទក្នុងផ្ទះបាយ ឬកំពុងបើកដំណើរការម៉ាស៊ីនធ្ងន់ៗជាដើម។
អ្នកនាំពាក្យបានបន្តថា បច្ចេកវិទ្យាថ្មីនេះថែមទាំងអាចត្រូវបានប្រើដើម្បីផ្តល់យោបល់ដល់អ្នកប្រើប្រាស់ដែលកំពុងរៀនជំនាញថ្មីផងដែរដូចជាការលេងឧបករណ៍តន្ត្រីជាដើម។ កម្មវិធីខ្លះទៀតថែមទាំងអាចផ្តល់ការព្រមានដល់អ្នកប្រើប្រាស់ពេលដែលពួកគេកំពុងធ្វើសកម្មភាពដែលអាចបង្កឲ្យមានជំងឺឬរងរបួសណាមួយថែមទៀតផង ។
Giarad Laput ដែលជានិស្សិតនៅ HCII បានឲ្យដឹងដែរថា «សកម្មភាពដៃប្រមាណ ២៥ សកម្មភាពដែលពួកយើងវាយតម្លៃគឺជាផ្នែកតូចមួយនៃការដែលយើងប្រើដើមដៃនិងប្រអប់ដៃរបស់ពួកយើងប៉ុណ្ណោះ» ៕
ចែករំលែកព័តមាននេះ