ខេត្តរតនគិរី ៖ ក្មេងប្រុសម្នាក់អង្គុយលើម៉ូតូនៅក្រោមផ្ទះ ខណៈមេឃកំពុងភ្លៀងស្រាប់តែត្រូវរន្ទះបាញ់ចំ បណ្តាលឱ្យស្លាប់ភ្លាមៗតែម្តង។ ហេតុការណ៍ដ៏រន្ធត់នេះបានកើតឡើងកាលវេលាម៉ោង៤រសៀលថ្ងៃទី៧ ខែឧសភា ឆ្នាំ២០១៩ ត្រង់ចំណុចក្រោមផ្ទះរបស់ជនរងគ្រោះ ស្ថិតនៅភូមិអុល…
ខេត្តរតនគិរី ៖ ក្មេងប្រុសម្នាក់អង្គុយលើម៉ូតូនៅក្រោមផ្ទះ ខណៈមេឃកំពុងភ្លៀងស្រាប់តែត្រូវរន្ទះបាញ់ចំ បណ្តាលឱ្យស្លាប់ភ្លាមៗតែម្តង។ ហេតុការណ៍ដ៏រន្ធត់នេះបានកើតឡើងកាលវេលាម៉ោង៤រសៀលថ្ងៃទី៧ ខែឧសភា ឆ្នាំ២០១៩ ត្រង់ចំណុចក្រោមផ្ទះរបស់ជនរងគ្រោះ ស្ថិតនៅភូមិអុល (អុលធំ) ឃុំបាតាង ស្រុកលំផាត់ ខេត្តរតនគិរី។
តាមប្រភពពីសមត្ថកិច្ចបានឱ្យដឹងថា ជនរងគ្រោះដែលស្លាប់ឈ្មោះ ហន ដឹន ភេទប្រុស អាយុ១១ឆ្នាំ ជនជាតិទំពួន រស់នៅភូមិឃុំកើតហេតុខាងលើ។
តាមប្រភពដដែលបានបន្តថា មុនពេលកើតហេតុ ក្មេងប្រុសរងគ្រោះកំពុងអង្គុយលើម៉ូតូនៅក្រោមផ្ទះ ខណៈនោះកំពុងមានភ្លៀងធ្លាក់យ៉ាងខ្លាំង ស្រាប់តែមានផ្គរ និងរន្ទះបាញ់ត្រូវក្មេង ប្រុសរងគ្រោះ បណ្តាលឱ្យធ្លាក់ពីលើម៉ូតូស្លាប់តែម្តង ហើយរន្ទះក៏បានបាញ់ត្រូវអង់តែនទូរទស្សន៍១ដើម និងបាញ់ត្រូវសសរផ្ទះចំនួន៥ដើម រួមទាំងជើងតាង១ទៀតផង។
ក្រោយកើតហេតុ កម្លាំងប៉ុស្តិ៍រដ្ឋបាលឃុំបាតាងបានចុះត្រួតពិនិត្យដល់កន្លែងកើតហេតុ រកឃើញនៅលើខ្លួនជនរងគ្រោះមានស្លាកស្នាមជាំខ្មៅចំគុម្ពត្រចៀកខាងឆ្វេង ហើយសមត្ថកិច្ចបានបញ្ជាក់ថា ក្មេងប្រុសរងគ្រោះពិតជាស្លាប់ដោយសាររន្ទះបាញ់ប្រាកដមែន និងធ្វើកំណត់ហេតុប្រគល់សពក្មេងប្រុសរងគ្រោះឱ្យទៅក្រុមគ្រួសារសាច់ញាតិយកទៅធ្វើបុណ្យតាមប្រពៃណីផងដែរ៕
ចែករំលែកព័តមាននេះ