រាជធានីភ្នំពេញ៖ តារាសម្តែងម៉ៅ គឹមធីតា និងគូស្នេហ៍តារាចម្រៀងគូម៉ា បើទោះជាមានការដឹងឮពីចាស់ទុំសងខាងបែបណាក្តី នៅមិនទាន់រកថ្ងៃចូលរោងការទេ ។ គូស្នេហ៍វ័យក្មេងលោកគូម៉ា និងកញ្ញា ម៉ៅ…
រាជធានីភ្នំពេញ៖ តារាសម្តែងម៉ៅ គឹមធីតា និងគូស្នេហ៍តារាចម្រៀងគូម៉ា បើទោះជាមានការដឹងឮពីចាស់ទុំសងខាងបែបណាក្តី នៅមិនទាន់រកថ្ងៃចូលរោងការទេ ។ គូស្នេហ៍វ័យក្មេងលោកគូម៉ា និងកញ្ញា ម៉ៅ គីមធីតា តែងតែបង្ហោះរូបភាពផ្អែមល្ហែម ជាមួយគ្នាធ្វើឲ្យបណ្ដាអ្នកគាំទ្រចាប់អារម្មណ៍ ហើយអបអរសាទរពួកគេ ។
ម៉ៅ គឹមធីតាបានបាក់ចិត្តស្រឡាញ់តារាចម្រៀងលំដាប់យុវវ័យលោកគូម៉ា ព្រោះតែនាងយល់ឃើញលោកគូម៉ាជាបុរសស្រលាញ់នាងដោយស្មោះ ។នាងសាកល្បងចិត្តជាច្រើនដងមកហើយចំពោះលោកគូម៉ា ហើយវាធ្វើឲ្យនាងជឿជាក់ ។
តារាស្រីដែលលេចធ្លោតាមរយៈរឿងដុំ និងភាគម៉ៅ គឹមធីតា បានរៀបរាប់ឲ្យដឹងកាលពីពេល ថ្មីៗកន្លងមកថារវាងនាង និងលោកគូម៉ានៅតែមានការពេញចិត្តពីចាស់ទុំទាំងសងខាងហើយនាងពិតជារីករាយនៅពេលឃើញចាស់ទុំឲ្យសញ្ញាល្អជុំវិញចំណងស្នេហ៍ពួកនាង ។
ម៉ៅ គឹមធីតា និយាយថា«នាងខ្ញុំ និងបងគូម៉ានៅមិនទាន់គិតគូរចង់បានឱកាសរៀបការអំឡុងពេលវេលាសិល្បៈកំពុងមមាញឹកនោះទេព្រោះខ្លាចស្តាយពេលបើឆាប់រៀបការនាំតែខករឿងជំនួញរបររកស៊ី ។ យ៉ាងហោចណាស់ប្រហែលជា២ឆ្នាំទៀតអាចមានសង្ឃឹមចូលរោងការ ។ នាងខ្ញុំស្រឡាញ់ចិត្តគាត់ ទាំងការយកចិត្តទុក្ខដាក់ បារម្ភទៅលើនាងខ្ញុំ តែអ្វីដែលធ្វើឲ្យស្រលាញ់ដកចិត្តមិនរួចនោះ គឺសម្ដីដ៏ផ្អែមស្រទន់ទាក់ទាញរបស់គូម៉ា ស្ដាប់មិនជិនណាយនោះទេ ។ ទាំងអស់នេះហើយធ្វើឲ្យចំណងស្នេហ៍របស់គូ ម៉ា និងខ្ញុំ រឹងមាំ ថែមទាំងមានសុភមង្គលខ្លាំងមែនទែន បើទោះបីជាទើបស្គាល់គ្នាក៏ពិតមែន ។
ខំរកលុយឲ្យច្រើនសិនដោយមិនចង់ការទៅខ្ចីលុយគេមករីករាយ ហើយជាប់បុលធនាគារនាំតែពិបាកប៉ុណ្ណោះ ។ មិនចង់ឲ្យខាងឪពុកម្តាយចំណាយលុយរឿងរៀបការនេះមកលើយើងទេ គឺទាល់តែយើងខ ំណាមួយកុំឲ្យលំបាកដល់ចាស់ទុំ។ គាត់មើលថែយូរហើយ គួរតែរកសេចក្តីសុខឲ្យគាត់វិញម្តង ។ នេះជាគំនិតដែលនាងខ្ញុំយល់ឃើញ »។
សម្រាប់ការសម្ដែងសិល្ប:វិញ ម៉ៅ គឹមធីតា ថាឈុតអ្វីក៏ដោយ លោកគូម៉ា អត់ប្រចណ្ឌនាងទេ ប៉ុន្តែបើភាពស្និទ្ធស្នាលជាមួយតារាសិល្ប: ឬជាមួយបុគ្គលណាមួយខុសពីពេលសម្ដែង គឺលោកប្រចណ្ឌខ្លះដែរ៕
ចែករំលែកព័តមាននេះ