ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា មុននេះ មានករណីលបបាញ់សម្លាប់លោកគ្រូបង្រៀនកីឡាម្នាក់ស្លាប់ភ្លាមៗ បង្កការភ្ញាក់ផ្អើលនារសៀលថ្ងៃទី០៨ ឧសភា ស្ថិតត្រង់ចំណុចនៅសាលាតាំងរបង ស្រុកឱរ៉ាល់ ខេត្តកំពង់ស្ពឺ…
ខេត្តកំពង់ស្ពឺ ៖ សេចក្តីរាយការណ៍បឋមឱ្យដឹងថា មុននេះ មានករណីលបបាញ់សម្លាប់លោកគ្រូបង្រៀនកីឡាម្នាក់ស្លាប់ភ្លាមៗ បង្កការភ្ញាក់ផ្អើលនារសៀលថ្ងៃទី០៨ ឧសភា ស្ថិតត្រង់ចំណុចនៅសាលាតាំងរបង ស្រុកឱរ៉ាល់ ខេត្តកំពង់ស្ពឺ ។
សេចក្តីរាយការណ៍បន្តថា ជនរងគ្រោះខាងលើឈ្មោះតូច វាសនា ។ រីឯជនដៃដល់ឈ្មោះ រាសី អាយុ៣០ឆ្នាំ មានស្រុកកំណើតនៅខេត្តបន្ទាយមានជ័យ ។ ប្រភពបន្តថា ជំហានដំបូង សមត្ថកិច្ចនៅមិនទាន់ដឹងទាំង២នាក់ (ជនសង្ស័យនិងជនរងគ្រោះ) មានគំនុំអ្វីនឹងគ្នានោះទេ ហើយការលបបាញ់ប្រហារនេះ គឺខណៈលោកគ្រូកំពុងអង្គុយហូបបាយថ្ងៃត្រង់ ជាមួយគ្រូផ្សេងៗទៀត ។
ប្រភពបន្តទៀតថា បន្ទាប់ពីជននេះបានបាញ់សម្លាប់ជនរងគ្រោះហើយ ក៏ព្យាយាមរត់គេចខ្លួន តែត្រូវសមត្ថកិច្ចចាប់ខ្លួនបាននាំទៅសួរចម្លើយនៅស្នងការដ្ឋាននគរបាលខេត្តកំពង់ស្ពឺ ។
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ