ជប៉ុនស្នើដល់ ADB ឲ្យកាត់បន្ថយការផ្តល់ប្រាក់កម្ចីដល់ប្រទេសចិន
ប្រទេសជប៉ុន៖ ភ្នាក់ងារសារព័ត៌មាន Japan Times បានឲ្យដឹងកាលពីថ្ងៃសៅរ៍ កន្លងមកថា លោករដ្ឋមន្ត្រីហិរញ្ញវត្ថុ Taro Aso របស់ជប៉ុនបានស្នើដល់ធនាគារអភិវឌ្ឍន៍អាស៊ី…
ប្រទេសជប៉ុន៖ ភ្នាក់ងារសារព័ត៌មាន Japan Times បានឲ្យដឹងកាលពីថ្ងៃសៅរ៍ កន្លងមកថា លោករដ្ឋមន្ត្រីហិរញ្ញវត្ថុ Taro Aso របស់ជប៉ុនបានស្នើដល់ធនាគារអភិវឌ្ឍន៍អាស៊ី…
ប្រទេសជប៉ុន៖ ភ្នាក់ងារសារព័ត៌មាន Japan Times បានឲ្យដឹងកាលពីថ្ងៃសៅរ៍ កន្លងមកថា លោករដ្ឋមន្ត្រីហិរញ្ញវត្ថុ Taro Aso របស់ជប៉ុនបានស្នើដល់ធនាគារអភិវឌ្ឍន៍អាស៊ី (ADB) ឲ្យកាត់បន្ថយការផ្តល់ប្រាក់កម្ចីដល់ប្រទេសមួយចំនួនដូចជាប្រទេសចិនដែលបានអភិវឌ្ឍន៍ប្រទេសខ្លួនដល់កម្រិតដែលលែងត្រូវការជំនួយផ្នែកហិរញ្ញវត្ថុហើយ។
លោក Aso មានប្រសាសន៍ដូច្នេះបន្ទាប់ពីប្រទេសចិនបានបន្តទទួលបានប្រាក់កម្ចីដែលមានអត្រាការប្រាក់ទាបខណៈដែលប្រទេសនេះបានក្លាយជាសេដ្ឋកិច្ចធំជាងគេលេខពីររបស់ពិភពលោក និងកម្រិតប្រាក់ចំណូលប្រជាជនបានបន្តកើនឡើងផងដែរ ។
ប្រទេសចិនស្មើ ១២%នៃកិច្ចព្រមព្រៀងផ្តល់ប្រាក់កម្ចីសរុបរបស់ ADB ក្នុងឆ្នាំ ២០១៨ ដែលនៅក្រោមប្រទេសឥណ្ឌាតែមួយប៉ុណ្ណោះ ។
អ្នករិះគន់មួយចំនួនបានឲ្យដឹងដែរថា ការផ្តល់ប្រាក់កម្ចីដោយប្រទេសចិនភាគច្រើនទៅកាន់សេដ្ឋកិច្ចកំពុងអភិវឌ្ឍន៍តាមរយៈការផ្តួចផ្តើមខ្សែក្រវ៉ាត់និងវិថីរបស់ពូកគេបានបង្ខំឲ្យប្រទេសមួយចំនួនជាប់បំណុលជាច្រើនផងដែរ។
លោក Aso បាននិយាយថា «ដើម្បីអាចប្រើធនធានដែលមានកម្រិតដោយមានប្រសិទ្ធិភាពនោះ ADB គួរតែផ្តោតសំខាន់លើប្រទេសដែលមានប្រាក់ចំណូលទាប និងប្រទេសដែលទន់ខ្សោយ ដូចជាប្រទេសដែលជាកោះតូចៗជាដើម»។
ធនាគារពិភពលោកដែលមានសហរដ្ឋអាមេរិកជាប្រទេសចូលរួមធំជាងគេបានសម្រេចថានឹងកាត់បន្ថយប្រាក់កម្ចីផ្តល់ជូនប្រទេសចិនដែរ ខណៈដែលប្រទេសជប៉ុនបានបញ្ចប់ការផ្តល់ជំនួយអភិវឌ្ឍន៍ដល់ប្រទេសចិនកាលពីខែមិនា។
ក្នុងបទសម្ភាសន៍មួយកាលពីខែមុន លោក Takehiko Nakao ដែលជាប្រធាន ADB បាននិយាយថា ធនាគាររបស់លោកមិនមានគម្រោងកាត់បន្ថយចំនួនប្រាក់កម្ចីផ្តល់ជូនប្រទេសចិនទេ ហើយពូកគេនឹងផ្តោតសំខាន់លើគម្រោងដែលមិនប៉ះពាល់ដល់បរិស្ថាន និងគម្រោងដែលនឹងជួយដល់ប្រទេសជិតខាង ៕
ចែករំលែកព័តមាននេះ