តាមប្រភពពីMetroបានឱ្យដឹងថា បុរសម្នាក់បានដាល់កូនប្រុសរបស់ខ្លួនរហូតទាល់តែស្លាប់ ក្រោយពេលលេងវីឌីអូហ្គេមចាញ់ ។ Anthony Trice អាយុ២៦ឆ្នាំ បានបោកដៃហ្គេមចោល មុនពេលមកដាល់កូនប្រុសអាយុ១ខែ ឈ្មោះ De’Anthony Trice ជាច្រើនដៃ នៅក្នុងផ្ទះរបស់ខ្លួន នៅ Kentucky កាលពីថ្ងៃសុក្រ។
ក្រោយពីដាល់រួចហើយ គេបានបីកូនយកទៅផ្ទះបាយ ដើម្បីឆុងម្ស៉ៅទឹកដោះគោឱ្យផឹក។ ពេលនៅក្នុងផ្ទះបាយ គេបានច្រលំដៃធ្លាក់កូនទៅលើការ៉ូ ។ ដោយកូនយំពេក គេបានយកកូនទៅដាក់នៅក្នុងបន្ទប់គេងមួយសន្ទុះ ខណៈដែលរូបគេទៅបន្ទប់ទឹក ។ ក្រោយពីមកវិញ ក៏ឃើញកូនប្រុសពិបាកដកដង្ហើម ហើយក៏ទូរស័ព្ទទៅកាន់លេខ 911 ដើម្បីឱ្យរថយន្តសង្គ្រោះមកជាបន្ទាន់។
គេបានបញ្ជូន De’Anthony ទៅកាន់មន្ទីរពេទ្យ Norton Children’s Hospital។ នៅថ្ងៃអាទិត្យ ទារកអាយុ១ខែរូបនេះ បានស្លាប់បាត់បង់ជីវិត ។ តុលាការបានចោទប្រកាន់បុរសជាឪពុកពីបទសម្លាប់ជីវិតមនុស្សកម្រិតមួយ ក្រោយពេលកូនរបស់គាត់បានស្លាប់ ។ ការសម្រេចទោសនឹងទៅជាយ៉ាងណានោះ គឺមិនទាន់ដឹងបាននៅឡើយទេ ។
ចែករំលែកព័តមាននេះ