ខេត្តត្បូងឃ្មុំ ៖ ស្របពេលដែលជ្រូកនៅប្រទេសវៀតណាមបានផ្ទុះជំងឺប៉េស្តជ្រូកអាហ្វ្រិក ហើយត្រូវបានអាជ្ញាធរគ្រប់លំដាប់ថ្នាក់មានវិធានការទប់ស្កាត់មិនឲ្យនាំចូលមកកម្ពុជា។ ទោះជាបែបនេះក្តី ក៏ក្រុមឈ្មួញបានប្រើប្រាស់គ្រប់រូបភាពដើម្បីដឹកជ្រូកតាមគ្រប់មធ្យោបាយនានា ក្នុងនោះក៏មានពេលខ្លះទប់ស្កាត់បាន និងក៏មានការលួចដឹកចូលបានខ្លះៗ តាមច្រកត្រពាំងផ្លុង ស្រុកពញាក្រែក ។
តាមអាជីវករម្នាក់ឈ្មោះ ម៉ុត ឡុន ភេទប្រុស អាយុ៤៨ឆ្នាំនៅឃុំកក់ ស្រុកពញាក្រែក ប្រាប់ឲ្យដឹងនៅ
ព្រឹកថ្ងៃទី៧ ឧសភា ២០១៩ ថា គាត់បានចាប់ផ្តើមរបរទិញជ្រូកលក់ដោយមានរថយន្ត១គ្រឿងបាន
ដើរប្រមូលទិញពីតាមបណ្តាភូមិនានានៅក្នុងខេត្តត្បូងឃ្មុំ ដោយបានដឹកយកលក់នៅទីសត្តឃាត
ក្នុងខេត្តត្បូងឃ្មុំនិងបន្តនាំលក់នៅខេត្តកំពង់ចាម ដោយមានភាគហ៊ុនគ្នា២ទៅ៣នាក់ ។
អាជីវករឈ្មោះ ម៉ុត ឡុន បានប្រាប់បន្តថា នៅព្រឹកថ្ងៃទី៧ ឧសភា គាត់បានដើរប្រមូលទិញជ្រូកតាមភូមិមួយចំនួនដែលប្រជាពលរដ្ឋចិញ្ចឹមនៅក្នុងឃុំត្រពាំងផ្លុង ជាប់នឹងព្រំដែនវៀតណាម លុះពេលដែលគាត់ដឹកមកតាមផ្លូវក៏បានជួបនឹងមន្ត្រីជំនាញពេទ្យសត្វខេត្ត ក៏បានសុំត្រួតពិនិត្យមើលលិខិតស្នាម ។ គាត់បានយក
ឲ្យមើល ហើយមន្ត្រីជំនាញពេទ្យសត្វខេត្តក៏បានអនុញ្ញាតឲ្យគាត់ដឹកជ្រូកបន្តទៅមុខទៀត ព្រមជាមួយនោះមន្ត្រីជំនាញពេទ្យសត្វខេត្តក៏បានណែនាំឲ្យធ្វើលិខិតទិញលក់និងសុំច្បាប់មកការិយាល័យជំនាញ ដើម្បីកុំឲ្យមានបញ្ហារណាមួយកើតឡើងនោះ ។
លោករី ដាវិន ប្រធានការិយាល័យផលិតកម្មនិងបសុព្យាបាលខេត្តវិញប្រាប់ថា ក្រោយពីមានសេចក្តី
ណែនាំពីរដ្ឋមន្ត្រីក្រសួងកសិកម្មរុក្ខាប្រមាញ់និងនេសាទ ក៏ដូចជាលោកអភិបាលខេត្តលោកប្រធានមន្ទី
រកសិកម្មខេត្តបានចាត់ឲ្យរូបលោកដឹកនាំកម្លាំងចុះមកសហការជាមួយនឹងសមត្ថកិច្ចនៅតាមច្រក
ត្រពាំងផ្លុង ស្រុកពញាក្រែក ដោយបានចាប់តាំងពីពេលចេញប្រតិបត្តិការបង្ក្រាបការនាំជ្រូកចូលប្រទេសកម្ពុជា រហូតមកដល់ថ្ងៃទី៧ ឧសភា ២០១៩ បានបន្តបន្ទាប់ជាង២០ករណីហើយ ។
លោករី ដាវិន ប្រធានការិយាល័យបសុព្យាបាលខេត្តបន្តថា តាមរយៈការបូមឈាមយកទៅពិនិត្យនៅ
មន្ទីរពិសោធន៏រាជធានីភ្នំពេញ មិនឃើញមានវត្តមានជំងឺប៉េស្តជ្រូកអាហ្វ្រិកនោះទេ ហើយគ្រាន់តែជ្រូក
ដែលបានចាប់នាំចូលមកពីប្រទេសវៀតណាម មិនតិចក្នុងចន្លោះពី៣០០ទៅ៤០០ក្បាលឡើយ ។
ក្រោយពីមានការទប់ស្កាត់ជ្រូកនាំចូលមកពីប្រទេសជិតខាង ហើយបានធ្វើឲ្យជ្រូកចិញ្ចឹមក្នុងស្រុកឡើងថ្លៃក្នុង១គីឡូក្រាមពី៩.៥០០រៀលទៅ១០.៨០០រៀល រាល់ថ្ងៃមន្ត្រីជំនាញមានចំនួនតិចនាក់ដូច្នេះ មិនអាចទប់ស្កាត់ឲ្យបាន១០០ភាគរយនោះទេ នឹងមានចន្លោះប្រហោងដែលបង្កឲ្យក្រុមឈ្មួញ លួចនាំចូលជ្រូកពីវៀតណាមមកលក់នៅកម្ពុជាបានខ្លះៗដែរ៕
ចែករំលែកព័តមាននេះ