រាជធានីភ្នំពេញ ៖ ម្សិលមិញនេះ កោះសន្តិភាពបានចេញផ្សាយ ស្តីពីអាជ្ញាធរខណ្ឌចំការមន ដេញតូបលក់កាសែត នៅជិតវត្តទួលទំពូង ក្រោមចំណងជើងថា «វាសនាអាក្រក់តាមផ្តន្ទាតូបលក់ «ក្រសែតតាមផ្លូវគ្នាក្រហើយ…នៅតាមជាន់កដកស្លាបទៀត»…
រាជធានីភ្នំពេញ ៖ ម្សិលមិញនេះ កោះសន្តិភាពបានចេញផ្សាយ ស្តីពីអាជ្ញាធរខណ្ឌចំការមន ដេញតូបលក់កាសែត នៅជិតវត្តទួលទំពូង ក្រោមចំណងជើងថា «វាសនាអាក្រក់តាមផ្តន្ទាតូបលក់ «ក្រសែតតាមផ្លូវគ្នាក្រហើយ…នៅតាមជាន់កដកស្លាបទៀត» វាសនាអាក្រក់តាមផ្តន្ទាតូបលក់«ក្រសែត»… ដោយបានដកស្រង់សំដីម្ចាស់តូបលក់កាសែតមកផ្សាយ ដោយមានទាំងការបំភ្លឺពីអាជ្ញាធរខណ្ឌ និងអាជ្ញាធរសង្កាត់ផងដែរ ។
ការដេញនេះ គឺពិតជាមានមែន ដោយទុករយៈពេលត្រឹមថ្ងៃទី១៥ ឧសភា ជាកំហិត ។ ប្រសិនបើមិនរើចេញទេ អាជ្ញាធរនឹងមករើចេញដោយមិនទទួលខុសត្រូវនូវការបាត់បង់ណាមួយឡើយ ។ ចំពោះម្ចាស់តូបដែលជាអ្នកក្រ កំពុងដេកភ័យអត់បាយអត់ទឹកអស់សង្ឃឹមក្នុងចិត្ត មានតែពឹងកោះសន្តិភាពជួយផ្សាយផង ក្រែងបានដឹងដល់ឋានលើ ក្រែងបានឋានលើអនុគ្រោះ ។
ក្រោយចេញផ្សាយភ្លាម អភិបាលរាជធានីភ្នំពេញ លោក ឃួង ស្រេង ប្រាប់កោះសន្តិភាពភ្លាមថា សូមជួយប្រាប់ទៅតូបលក់កាសែតវិញផង លោកមិនបានដេញតូបលក់កាសែតទាំងអស់នេះទេទូទាំងរាជធានី សូម្បីគិតក៏មិនបានគិតដែរ សូមកុំភ័យព្រួយ ។
នេះជាដំណឹងល្អមួយ សម្រាប់ប្រជាជនដែលមានមុខរបរលក់ «ក្រសែត សៀវភៅ» តាមតូបនានាឈប់ព្រួយបារម្ភទៅ លោកអភិបាលរាជធានីផ្តាំតាមកោះសន្តិភាពថា មិនតាមផ្តន្ទាធ្វើទុក្ខបុកម្នេញទេ សូមរកទទួលទានតាមធម្មតាទៅ ។
ចែករំលែកព័តមាននេះ