រាជធានីភ្នំពេញ ៖ គិតមកដល់ពេល នេះ គឺជាសប្តាហ៍ទី៦ នៃការប្រកួតក្នុងលីគកំពូលកម្ពុជាសម្រាប់រដូវកាល២០១៩នេះ ខណៈគ្រប់ក្លិបកំពុងព្យាយាមសន្សំពិន្ទុឈានទៅរកការប្រជែងជើងឯកនាចុងឆ្នាំខាងមុខនេះ។ យ៉ាងណាមិញ អ្នកគាំទ្រវិស័យកីឡាបាល់ទាត់កម្ពុជា ក៏សង្កេតឃើញក្លិបខេត្តកំពង់ចាមបង្ហាញតម្រុយគួរឲ្យកត់សម្គាល់ផងដែរ…
រាជធានីភ្នំពេញ ៖ គិតមកដល់ពេល នេះ គឺជាសប្តាហ៍ទី៦ នៃការប្រកួតក្នុងលីគកំពូលកម្ពុជាសម្រាប់រដូវកាល២០១៩នេះ ខណៈគ្រប់ក្លិបកំពុងព្យាយាមសន្សំពិន្ទុឈានទៅរកការប្រជែងជើងឯកនាចុងឆ្នាំខាងមុខនេះ។ យ៉ាងណាមិញ អ្នកគាំទ្រវិស័យកីឡាបាល់ទាត់កម្ពុជា ក៏សង្កេតឃើញក្លិបខេត្តកំពង់ចាមបង្ហាញតម្រុយគួរឲ្យកត់សម្គាល់ផងដែរ ខណៈ៦សប្តាហ៍កន្លងមក ឈ្នះ១លើក និងចាញ់៥លើកប៉ុន្តែរាល់ការចាញ់តែងតែរបូតគ្រាប់បាល់ក្នុងចំនួនច្រើនៗស្ទើរមិនគួរឱ្យជឿ រហូតដល់ជិត៥០គ្រាប់។
ទន្ទឹមនឹងអ្នកគាំទ្រវិស័យបាល់ទាត់កម្ពុជាជាច្រើនបានលើកឡើងអំពីការតស៊ូរបស់ក្លិបចំណូលថ្មីនៃលីគកំពូលកម្ពុជា ដែលមានមូលដ្ឋាននៅខេត្តកំពង់ចាមមួយនេះ ក៏មានការរិះគន់ មួយចំនួនពាក់ព័ន្ធនឹងសមត្ថភាពលេងរបស់ កីឡាករក្នុងក្លិបនេះ រហូតដល់ក្លិបបាល់ទាត់ខេត្តកំពង់ចាមតាមរយៈទំព័រFacebook ផ្លូវការរបស់ខ្លួនបានបង្ហោះសារក្នុងអត្ថន័យឆ្លើយតបនឹងមតិខាងលើដូចខាងក្រោម៖
«ទោះបីលទ្ធផលមិនល្អក៏ដោយ តែក្លិបបាល់ ទាត់ខេត្តកំពង់ចាម នៅតែខិតខំប្រឹងប្រែងបន្ថែមទៀត ខណៈបានមកលេងលីគកំពូលដូច្នេះ។ ម្យ៉ាងវិញទៀតជាបទពិសោធន៍ថ្មីសម្រាប់កីឡាកររួមទាំងក្លិបទាំងមូលផង ។ អរគុណម្ចាស់ឧបត្ថម្ភនិងអ្នកគាំទ្រ» ៕
ចែករំលែកព័តមាននេះ