ភ្លៀង-ខ្យល់បំផ្លាញប្រមាណម៉ោង៣…ម៉ោងប្រមាណ៦ទើបអាចសម្រួលចប់
- ភ្នំពេញ
រាជធានីភ្នំពេញ ៖ នៅពេលភ្លាមៗ អាជ្ញាធរខណ្ឌឫស្សីកែវ ដឹកនាំដោយលោក ជា ពិសី អភិបាលខណ្ឌ និងលោកវរសេនីយឯក គង់…
រាជធានីភ្នំពេញ ៖ នៅពេលភ្លាមៗ អាជ្ញាធរខណ្ឌឫស្សីកែវ ដឹកនាំដោយលោក ជា ពិសី អភិបាលខណ្ឌ និងលោកវរសេនីយឯក គង់…
រាជធានីភ្នំពេញ ៖ នៅពេលភ្លាមៗ អាជ្ញាធរខណ្ឌឫស្សីកែវ ដឹកនាំដោយលោក ជា ពិសី អភិបាលខណ្ឌ និងលោកវរសេនីយឯក គង់ យី អធិការនគរបាលខណ្ឌ ក៏បានចុះដល់កន្លែងកើតហេតុ និងបានសម្រួលចរាចរណ៍ ព្រមទាំងទាក់ទងក្រុមហ៊ុន និងហៅក្រុមជាងមកកាត់ប៉ាណូនោះយកចេញនៅវេលាម៉ោងប្រមាណ៦ល្ងាចថ្ងៃទី០៦ ឧសភា ដដែល ។ ក្រៅពីការបាក់ប៉ាណូនេះ ក្នុងខណ្ឌប្ញស្សីកែវក៏ដូចជាខណ្ឌមួយចំនួនទៀត ក៏មានស្លាកគណបក្ស និងប៉ាណូតូចៗ ព្រមទាំងដើមឈើ ក៏បានដួលនិងបាក់រលំផងដែរ ។
ហេតុការណ៍បាក់ប៉ាណូផ្សាយពាណិជ្ជកម្មនេះ បង្កឱ្យមានការភ្ញាក់ផ្អើលកាលពីវេលាម៉ោងប្រមាណ៣រសៀលថ្ងៃទី៦ ឧសភា នៅចំណុចផ្លូវភ្លោះក្នុងភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ ដោយសារតែការបាក់ធ្លាក់ប៉ាណូដ៏ធំនេះ ក៏បានបង្កឱ្យកំណាត់ផ្លូវជាតិលេខ៥ កកស្ទះចរាចរណ៍ផងដែរ ។ អ្នករងរបួសត្រូវបាននគរបាលឱ្យដឹងថា ឈ្មោះ ថោង សុខ ភេទប្រុស អាយុ៤៩ឆ្នាំ ស្នាក់នៅសង្កាត់ព្រែកព្នៅ ខណ្ឌព្រែកព្នៅ ។
គួររំលឹកថា ភ្លៀងមួយមេបានបង្អុរចុះយ៉ាងខ្លាំងលាយឡំដោយខ្យល់កន្ត្រាក់បោកបក់ចំ កណ្តាលរាជធានីភ្នំពេញ បណ្តាលឱ្យដើមឈើ និងប៉ាណូតូចធំមួយចំនួន បាក់ធ្លាក់កាត់ទទឹងផ្លូវ សង្កត់លើម៉ូតូនិងអ្នកដំណើរបណ្តាលឱ្យរងរបួស និងដងផ្លូវមួយចំនួនត្រូវភ្លៀងជន់លិចផងដែរ ។ ដោយឡែក ប៉ាណូផ្សាយពាណិជ្ជកម្មរបស់ក្រុមហ៊ុនមួយបានបាក់ធ្លាក់កាត់ទទឹងផ្លូវជាតិលេខ៥ សង្កត់លើម៉ូតូមួយគ្រឿង និងបណ្តាលឱ្យអ្នកបើកបរម្នាក់ បានរងរបួសធ្ងន់ត្រូវបានរថយន្តបញ្ចូនទៅសង្គ្រោះភ្លាមៗនៅមន្ទីរពេទ្យកាល់ម៉ែត ។
តាមព័ត៌មានឱ្យដឹងថា ផ្ទាំងប៉ាណូដែលបាក់ធ្លាក់នោះ គឺជាផ្ទាំងប៉ាណូផ្សាយពាណិជ្ជកម្មដ៏ធំមួយដែលបំពាក់នៅទទឹងផ្លូវភ្លោះមានប្រវែងបណ្តាយប្រមាណ១៥ម៉ែត្រគុណនឹង៦ម៉ែត្រ ដែលបំពាក់លើឆ្អឹងដែកមានទម្ងន់រាប់់តោន កាត់ទទឹងផ្លូវ ប្រមាណជាង៣០ម៉ែត្រពីបង្គោលម្ខាងទៅម្ខាង ។ ផ្ទាំងប៉ាណូនេះត្រូវខ្យលកន្ត្រាក់វាយបំបាក់ធ្លាក់ទាំងឆ្អឹងដែក និងផ្ទាំងប៉ាណូក្រណាត់តែម្តង ។
តាមព័ត៌មានឱ្យដឹងថា នៅពេលភ្លៀងកំពុងតែបង្អុរធ្លាក់អ្នកដំណើរម្នាក់ បានជិះម៉ូតូហុង ដា MOOVE ពណ៌ខៀវមួយគ្រឿង ពាក់ស្លាកលេខ ភ្នំពេញ១AF.៨៣៣៩ ធ្វើដំណើរតាមផ្លូវជាតិលេខ៥ ក្នុងទិសដៅពី ត្បូងទៅជើង ស្រាប់តែផ្ទាំងប៉ាណូបានបាក់ធ្លាក់សង្កត់បណ្តាលឱ្យបុរសម្នាក់ជាអ្នកបើកបរ បានរងរបួស ហើយត្រូវបានអ្នកដំណើរ និងសមត្ថកិច្ចនាំគ្នាជួយទាញចេញ ហើយហៅរថយន្តបញ្ជូនទៅសង្គ្រោះ ។
ទោះបីជាយ៉ាងនេះក្តីបុរសនោះ រងរបួសមធ្យមតែប៉ុណ្ណោះ ដោយប៉ាណូនោះគងលើខឿនសួនច្បារខណ្ឌចែកទ្រូងផ្លូវ ។
គេនិយាយថា នេះចាត់ទុកជាសំណាងល្អដែលត្រូវតែអ្នកដំណើរម្នាក់ ។
ចែករំលែកព័តមាននេះ