ខេត្តកណ្តាល ៖ បុរសម្នាក់ព្រោះតែភ្លើងប្រចណ្ឌខឹងប្រពន្ធហួសហេតុ ក៏មានគំនិតឃោរឃៅលបច្របាច់.កប្រពន្ធទាល់តែស្លាប់ ដោយចោទប្រពន្ធថាមានប្រុស ហើយត្រូវនគរបាលឃាត់ខ្លួនចាប់វាយខ្នោះ បង្កឱ្យមានការភ្ញាក់ផ្អើលកាលពីថ្ងៃទី០៦ ខែឧសភា ឆ្នាំ២០១៩ នៅចំណុចផ្ទះឪពុកជនរងគ្រោះ…
ខេត្តកណ្តាល ៖ បុរសម្នាក់ព្រោះតែភ្លើងប្រចណ្ឌខឹងប្រពន្ធហួសហេតុ ក៏មានគំនិតឃោរឃៅលបច្របាច់.កប្រពន្ធទាល់តែស្លាប់ ដោយចោទប្រពន្ធថាមានប្រុស ហើយត្រូវនគរបាលឃាត់ខ្លួនចាប់វាយខ្នោះ បង្កឱ្យមានការភ្ញាក់ផ្អើលកាលពីថ្ងៃទី០៦ ខែឧសភា ឆ្នាំ២០១៩ នៅចំណុចផ្ទះឪពុកជនរងគ្រោះ ឈ្មោះ ផូ កុសល្យ ស្ថិតក្នុងភូមិកោះរះលើ ឃុំកោះរះ ស្រុកល្វាឯម ។
ជនរងគ្រោះខាងលើឈ្មោះ សល្យ យ៉ាដា ភេទស្រី អាយុ២៧ឆ្នាំ មុខរបរលក់ដូរ ត្រូវជាប្រពន្ធ មានទីលំនៅភូមិកោះរះលើ ឃុំកោះរះ ស្រុកល្វាឯម ខេត្តកណ្ដាល ចំណែកជនសង្ស័យឈ្មោះ ហ៊ន ប៊ន ភេទប្រុស អាយុ២៧ឆ្នាំ ត្រូវជាប្តី រស់នៅជាមួយគ្នា ។
បើតាមនគរបាលស្រុកល្វាឯមបានឱ្យដឹងថា មុនកើតហេតុស្ត្រីរងគ្រោះ និងប្តីជាជនសង្ស័យ បានដេកជាមួយគ្នា និងកូនស្រីម្នាក់ទៀតអាយុ៤ឆ្នាំ នៅក្នុងបន្ទប់លើផ្ទះ លុះដល់ថ្ងៃទី៦ ឧសភា ម៉ោង៤និង៣០នាទី ជនសង្ស័យជាប្តីបានងើបពីដេក ឈឺនោមដាក់កន្ថោរនៅក្នុងបន្ទប់ ក្រោយពេលនោមហើយបានឡើងទៅលើគ្រែវិញ ។
ប្រភពដដែលបន្តថា ដោយក្នុងចិត្តមានការខឹងប្រចណ្ឌប្រពន្ធ ហើយចោទប្រពន្ធថា មានប្រុស ក៏ស្ទុះទៅច្របាច់.កប្រពន្ធរហូតដល់ប្រពន្ធឈប់រើបំរះ ទើបលែង រួចចុះមកដីយកម៉ូតូជិះចេញពីផ្ទះ ។ ក្រោយមកត្រូវបានសមត្ថកិច្ចតាមចាប់ខ្លួនបានតែម្តង បើតាមចម្លើយសារភាពជនសង្ស័យធ្លាប់ប្រើប្រាស់គ្រឿងញៀនខុសច្បាប់ ហើយសារភាថាខ្លួនបានសម្លាប់ប្រពន្ធពិតប្រាកដមែន៕
ចែករំលែកព័តមាននេះ