រាជធានីភ្នំពេញ ៖ ពីរនាក់ប្តីប្រពន្ធជិះម៉ូតូឌុបគ្នាទៅផ្សាររកទិញបន្លែម្ហូបយកទៅលក់ត្រូវបានក្រុមចោរឆក់គ្នា៤នាក់ជិះម៉ូតូ២គ្រឿងឡោមព័ទ្ធធ្វើសកម្មភាពប្លន់ ឆក់ ដណ្តើមយកកាបូបក្រវ៉ាត់ចង្កេះពីស្ត្រីជាប្រពន្ធយកទៅបាត់ ដោយសុវត្ថិភាព អស់លុយជាង១ពាន់ដុល្លារ គ្រឿងអល័ង្កការរត់ទៅប្តឹងប៉ូលិស កាលពីវេលាម៉ោង៥ព្រឹកថ្ងៃទី០៤ ខែឧសភា…
រាជធានីភ្នំពេញ ៖ ពីរនាក់ប្តីប្រពន្ធជិះម៉ូតូឌុបគ្នាទៅផ្សាររកទិញបន្លែម្ហូបយកទៅលក់ត្រូវបានក្រុមចោរឆក់គ្នា៤នាក់ជិះម៉ូតូ២គ្រឿងឡោមព័ទ្ធធ្វើសកម្មភាពប្លន់ ឆក់ ដណ្តើមយកកាបូបក្រវ៉ាត់ចង្កេះពីស្ត្រីជាប្រពន្ធយកទៅបាត់ ដោយសុវត្ថិភាព អស់លុយជាង១ពាន់ដុល្លារ គ្រឿងអល័ង្កការរត់ទៅប្តឹងប៉ូលិស កាលពីវេលាម៉ោង៥ព្រឹកថ្ងៃទី០៤ ខែឧសភា ឆ្នាំ២០១៩ ស្ថិតនៅតាមផ្លូវជាតិលេខ៤ ភូមិអង្គកែវ សង្កាត់ចោមចៅ៣ ខណ្ឌពោធិសែនជ័យ ។
ជនរងគ្រោះ ឈ្មោះ ញឹម សំអាត ភេទស្រី អាយុ៤៤ឆ្នាំ មុខរបរលក់ដូរ មានប្តីឈ្មោះ ពេជ្រ សុវណ្ណ អាយុ៤៨ឆ្នាំ មុខរបរលក់ដូរ ស្នាក់នៅផ្ទះជួល ភូមិវាល សង្កាត់ត្រពាំងក្រសាំង ខណ្ឌពោធិសែនជ័យ មានស្រុកកំណើតភូមិកោះកុក ឃុំកោះទទឹម ស្រុកកំពង់សៀម ខេត្តកំពង់ចាម ។ សម្ភារៈលុយកាក់បាត់បង់ប្រាក់ដុល្លារជាង៨០០ដុល្លារ ប្រាក់រៀលជាង៧០ម៉ឺនរៀល គ្រឿងអល័ង្កការ ខ្សែ.ក ខ្សែដៃ របស់កូនផ្ញើទុកសរុបអស់ជាង១០០០ដុល្លារ ។
តាមសម្តីជនរងគ្រោះបានឲ្យដឹងថា ជារៀងរាល់ព្រឹកគាត់ប្តីប្រពន្ធងើបទៅផ្សាររកទិញបន្លែម្ហូប នៅផ្សារជម្ពូវ័ន ដើម្បីយកទៅលក់បន្តនៅផ្ទះជួល ហើយនៅព្រឹកកើតហេតុនៅវេលាម៉ោង៥ព្រឹកគាត់២នាក់ប្តីប្រពន្ធជិះម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខ កំពង់ស្ពឺ 1B-0240 ជិះទៅរកទិញបន្លែដូចសព្វដង ដោយធ្វើដំណើរតាមបណ្តោយផ្លូវជាតិលេខ៤ ពីលិចទៅកើតលុះដល់ចំណុចភូមិអង្គកែវ ជិតដល់ផ្សារជម្ពូវ័នទៅហើយ ស្រាប់តែលេចមុខជនសង្ស័យ៤នាក់ជិះម៉ូតូ២គ្រឿង តាមមកពីក្រោយ ។
ដោយមួយគ្រឿងស្គាល់ម៉ាកនិច និងមួយគ្រឿងទៀតមិនស្គាល់ម៉ាក ជិះពាំងពីមុខ ទុកឲ្យម៉ូតូនិចអែបជាប់ពីខាងឆ្វេងធ្វើឲ្យម៉ូតូឈប់ រួចជនសង្ស័យឆក់ដណ្តើមយកកាបូបពីចង្កេះ ហើយជនសង្ស័យម្នាក់ដែលជិះម៉ូតូពាំងឃាត់ពីមុខ មកកាច់សោម៉ូតូពន្លត់ហើយក្រុមជនសង្ស័យឡើងជិះម៉ូតូគេចខ្លួនទៅបាត់អស់ ទោះជាដេញតាមក៏មិនទាន់ មានតែរត់ចូលប្តឹងនគរបាលប៉ុស្តិ៍ចោមចៅ៣ ឲ្យជួយអន្តរាគមន៍ស្រាវជ្រាវ និងកំណត់មុខសញ្ញាឆក់លួចខាងលើ ៕
ចែករំលែកព័តមាននេះ