ប៉ូលិសនៅខេត្តគីយ៉ុងគីខាងត្បូងឲ្យដឹងកាលពីពេល ថ្មីៗកន្លងមកថាលោកយូឈុន ឬផាក យូឈុន (Park Yoochun) ក្នុងក្រុម «JYJ» ទទួលស្គាល់ថាខ្លួនបានប្រើថ្នាំញៀនក្នុងពេលសាកសួរនៅព្រឹកថ្ងៃទី២៩ មេសា២០១៩ ។
ប៉ូលិសបានបង្ហាញពីចម្លើយរបស់លោកយូឈុន ដែលធ្លាប់បដិសេធកាលពីថ្ងៃទី១០ មេសាថា «ខ្ញុំខ្លាចចាញ់ចិត្តរបស់ខ្លួន ខ្ញុំគិតថាត្រូវទទួលស្គាល់ពីអ្វីដែលធ្លាប់ប្រតិបត្តិ និងសុំទោសលើរាល់កំហុស» ។
បុរសញៀនថ្នាំអាយុ៣២ឆ្នាំរូបនេះបានចាប់ខ្លួនកាលពីថ្ងៃទី២៦ មេសាពីបទសង្ស័យទិញថ្នាំ «Philopon» ផ្នែកមួយនៃប្រភេទថ្នាំញៀន «Methamphetamine» ជាសារជាតិជំរុញដល់ប្រព័ន្ធសរសៃប្រសាទចំនួន១,៥ក្រាមជាមួយនាងវ៉ាង ហាណា (Hwang Ha-na) អតីតគូដណ្តឹងរបស់ខ្លួនចំនួន៣លើកក្នុងអំឡុងខែកុម្ភៈ-មីនា២០១៩ និងបានចាក់ចូលក្នុងខ្លួនចំនួន៥លើក ។
មេធាវីរបស់គេបញ្ជាក់ថា ប្រសិនបើអ្នកប្រើគ្រឿងញៀនជាច្រើនលើកអាចជាប់គុករយៈពេល៧ឆ្នាំកន្លះ ៕
ចែករំលែកព័តមាននេះ