ខេត្តស្វាយរៀង ៖ បុរសម្នាក់បានប្រកាច់ទាល់ដាច់ខ្យល់ស្លាប់ភ្លាមៗ ខណៈគ្រូពេទ្យក្នុងភូមិចាក់ថ្នាំព្យាបាលរោគរលាកបំពង់.ក ។ អ្វីដែលហួសចិត្តនោះ គឺគ្រូពេទ្យមិនទាន់ចាក់ថ្នាំមិនទាស់អស់ក្នុងសារ៉ាងផងនោះ ហេតុការណ៍កើតឡើងកាលពីវេលាម៉ោង១២ និង០៥នាទីថ្ងៃត្រង់ថ្ងៃទី០៣ មេសា ស្ថិតនៅភូមិសំឡីខាងជើង ឃុំសំឡីស្រុកកំពង់រោទ៍ ហើយក៏បានភ្ញាក់ផ្អើលនៅក្នុងបណ្តាញសង្គមហ្វេសប៊ុក នាំគ្នារិះគន់យ៉ាង
ខ្លាំង ។
សេចក្តីរាយការណ៍បានឱ្យដឹងថា ជនរងគ្រោះខាងលើឈ្មោះ ប៊ុន ម៉ាប់ ភេទប្រុស អាយុ៤៥ឆ្ នាំមានទីលំនៅភូមិឃុំកើតហេតុ ។ ដោយឡែកគ្រូពេទ្យ មានឈ្មោះព្រាប សេ ជាគ្រូពេទ្យដែលតែដើរចាក់ថ្នាំតាមភូមិ ហើយត្រូវ សមត្ថកិច្ចធ្វើការឃាត់ខ្លួនសាកសួរភ្លាមផងដែរ ។
ប្រភពបន្តថា មុនពេលកើតហេតុ ជនរងគ្រោះមានអាការៈឈឺបំពង់.កពីរថ្ងៃមកហើយ ហើយក៏ឱ្យពេទ្យរូបនោះចាក់ថ្នាំឱ្យ ។ ខណៈដែលកំពុងចាក់ថ្នាំមិនទាន់អស់ពីសារ៉ាងផង ស្រាប់តែជនរងគ្រោះរមាស់ក្រហល់ក្រហាយ រួចបានប្រកាច់រហូតដាច់ខ្យល់ស្លាប់តែម្ដង ។
បើតាមសមត្ថកិច្ចមូលដ្ឋានថា ជនរងគ្រោះស្លាប់ដោយប្រតិកម្មថ្នាំ ។ បច្ចុប្បន្ន សមត្ថកិច្ចកំពុងស្រាវជ្រាវបន្ត ។ យើងមន្ត្រីសុខាភិបាលម្នាក់ថា គ្រូពេទ្យឈ្មោះព្រាប សេ គាត់ចេះជំនាញពេទ្យនេះ ពុំមានសាលាច្បាស់លាស់ទេ គឺចេះចាក់ថ្នាំតាំងពីសម័យប៉ុលពតមកម្ល៉េះ ។ ហើយបានបន្តអាជីពនេះ រហូតមកទល់សព្វថ្ងៃ ។
ព័ត៌មានបន្ថែមនឹងមានផ្សាយជូនបន្តទៀត ។
ចែករំលែកព័តមាននេះ