Samsung Electronics សង្ឃឹមលើឆមាសទីពីរ
សេអ៊ូល ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃអង្គារ៍មកថា ក្រុមហ៊ុន Samsung Electronics Co Ltd…
សេអ៊ូល ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃអង្គារ៍មកថា ក្រុមហ៊ុន Samsung Electronics Co Ltd…
សេអ៊ូល ៖ ភ្នាក់ងារសារព័ត៌មាន Reuters បានឲ្យដឹងកាលពីថ្ងៃអង្គារ៍មកថា ក្រុមហ៊ុន Samsung Electronics Co Ltd របស់កូរ៉េខាងត្បូងជឿជាក់លើឆមាសទីពីរដោយមានការគិតថាការលក់ឈីបមេម៉ូរី និងស្មាតហ្វូននឹងកើនឡើង បន្ទាប់ពីប្រកាសថាប្រាក់ចំណូលខ្លួនកាលពីឆមាសទី១បានធ្លាក់ដល់កម្រិតទាបជាងគេក្នុងរយៈពេល២ឆ្នាំមកនេះ ។
ប៉ុន្តែក្រុមហ៊ុនខាងលើបានព្រមានថា ផលប៉ះពាល់រយៈពេលខ្លីក្នុងត្រីមាសទី២អាចនឹងកើតមានឡើងព្រោះតម្លៃឈីបមេម៉ូរីអាចនឹងធ្លាក់ចុះបន្ថែមមុននឹងកើនឡើងវិញនៅចុងឆ្នាំ។
ក្រុមហ៊ុននេះបាននិយាយក្នុងសេចក្តីថ្លែងការណ៍មួយថា «សម្រាប់ឆមាសទី២នាឆ្នាំ ២០១៩ ក្រុមហ៊ុនគិតថាតម្រូវការឈីបមេម៉ូរីសម្រាប់ផលិតផលច្រើននឹងកើនឡើង ប៉ុន្តែភាពមិនប្រាកដប្រជាទាក់ទិននឹងបរិស្ថានក្រៅប្រទេសនៅតែកើតមានឡើង»។
ប្រាក់ចំណេញរបស់ Samsung កាលពីត្រីមាសទី១បានធ្លាក់ចុះមកស្មើ ៥.៤ប៊ីលានដុល្លារបន្ទាប់ពីតម្លៃឈីបទាំងនេះធ្លាក់ចុះស្របទៅនឹងតម្រូវការបន្ទះស្គ្រីនទូរស័ព្ទ។ ប្រាក់ចំណូលបានធ្លាក់ចុះ ១៣.៥% មកស្មើប្រមាណ៤៥ប៊ីលានដុល្លារ ។
ក្រុមហ៊ុនផលិតឈីបមេម៉ូរីបានទទួលរងការប៉ះពាល់ព្រោះតែការអន់ថយនៃទីផ្សារស្មាតហ្វូនពិភពលោក និងការធ្លាក់ចុះនៃតម្រូវការពីមជ្ឈមណ្ឌលស្តុកទិន្នន័យ ។ យ៉ាងណាក្តី អ្នកវិភាគបានឲ្យដឹងថា ការអន់ថយនៃភាពតានតឹងពាណិជ្ជកម្មរវាងសហរដ្ឋអាមេរិកនិងប្រទេសចិនក៏អាចបង្កើនតម្រូវការសម្រាប់ផលិតផលអេឡិចត្រូណិចនិងជំរុញដល់ក្រុមហ៊ុនផ្តល់សេវាកម្មស្តុកទិន្នន័យកាត់បន្ថយទំនិញស្តុកទុកដែរ ។
លោក Song Myung-sup ដែលជាអ្នកវិភាគមកពី HI Investment and Securities បានឲ្យដឹងដែរថា ប្រទេសចិនអាចជំរុញដល់វិស័យ IT របស់ពួកគេឲ្យលើកតម្កើងសេដ្ឋកិច្ច ហើយប្រសិនបើកិច្ចព្រមព្រៀងពាណិជ្ជកម្មត្រូវបានចុះរវាងប្រទេសចិននិងសហរដ្ឋអាមេរិកនោះ តម្រូវការផលិតផល Samsung ដូចជាឈីប នឹងកើនឡើងផងដែរ ៕
ចែករំលែកព័តមាននេះ