បន្ទាយមានជ័យ ៖ តាមសេចក្តីរាយការណ៍បឋមបានឲ្យដឹងថា បុរសជាជនបរទេសម្នាក់គេប្រទះឃើញស្លាប់លើរបងថ្ម ក្នុងទឹកដីកាស៊ីណូ ភូមិក្បាលស្ពាន01 សង្កាត់ និងក្រុងប៉ោយប៉ែតម៉ោងជិត១ព្រឹក ថ្ងៃទី០៣ ឧសភានេះ តែសមត្ថកិច្ចថា មិនទាន់ស្គាល់អត្តសញ្ញាណជនរងគ្រោះ និងមិនទាន់ដឹងពីមូលហេតុនៅឡើយទេ ។
សេចក្តីរាយការណ៍បានបន្តថា ជនរងគ្រោះភេទប្រុស អាយុប្រហែលជាង២០ឆ្នាំ សង្ស័យជាជនជាតិចិន90% ។ ដោយប្រភពដដែលបន្តថា ពេលនេះកំពុងរង់ចាំជំនាញផ្នែកបច្ចេកទេសមកពីស្នងការដ្ឋាននគរបាលខេត្ត និងគ្រូពេទ្យ ដើម្បីបើកការត្រួតពិនិត្យ និងធ្វើកោសល្យវិច្ច័យនិងកំពុងស្រាវជ្រាវរកលិខិតឆ្លងដែនផងដែរ ៕
ចែករំលែកព័តមាននេះ