ខេត្តស្ទឹងត្រែង ៖ នាព្រឹកថ្ងៃទី៣ ឧសភា កម្លាំងនគរបាលការិយាល័យប្រឆាំងការជួញដូរគ្រឿងញៀនបានបង្ហាញមុខជនសង្ស័យប្រុសស្រីចំនួន២នាក់ពាក់ព័ន្ធការរត់ពន្ធគ្រឿងញៀនដោយខុសច្បាប់មានទម្ងន់៩៩៤,៥ក្រាម ដែលសមត្ថកិច្ចធ្វើការឃាត់ខ្លួន និងដកហូតវត្ថុតាងកាលពីល្ងាចថ្ងៃទី២ ឧសភា ២០១៩ នៅចំណុចផ្លូវជាតិលេច៩…
ខេត្តស្ទឹងត្រែង ៖ នាព្រឹកថ្ងៃទី៣ ឧសភា កម្លាំងនគរបាលការិយាល័យប្រឆាំងការជួញដូរគ្រឿងញៀនបានបង្ហាញមុខជនសង្ស័យប្រុសស្រីចំនួន២នាក់ពាក់ព័ន្ធការរត់ពន្ធគ្រឿងញៀនដោយខុសច្បាប់មានទម្ងន់៩៩៤,៥ក្រាម ដែលសមត្ថកិច្ចធ្វើការឃាត់ខ្លួន និងដកហូតវត្ថុតាងកាលពីល្ងាចថ្ងៃទី២ ឧសភា ២០១៩ នៅចំណុចផ្លូវជាតិលេច៩ បំបែកចូលព្រះរំកិល ស្ថិតក្នុងភូមិសំអាង ឃុំសំអាង ស្រុកថាឡាបរិវ៉ាត់។
លោកវរសេនីយ៍ឯក ចែម ផានិត ប្រធានការិយាល័យប្រឆាំងការជួញដូរគ្រឿងញៀននៃស្នង ការដ្ឋាននគរបាលខេត្តបានអោយដឹងថា ជនសង្ស័យទាំង២នាក់ខាងលើត្រូវបានកម្លាំងសមត្ថកិច្ចប្រើជំនាញអូសទាញពីកន្លែងងងឹត តាមរយៈវិធានការញុះញុង ក៏បានដឹងថាឈ្មោះសុំ សាង ភេទប្រុស អាយុ៧០ឆ្នាំ រស់នៅភូមិលើ ឃុំព្រះរំកិល ស្រុកថាឡាបរិវ៉ាត់ ជាឈ្មួញកណ្តាលនាំគ្រឿងញៀនពីចំណុចដើមទី ដើម្បីទៅប្រគល់អោយបុគ្គលចុងទីដែលមានឈ្មោះ មុត សៃ ភេទស្រី អាយុ៦០ឆ្នាំ រស់នៅភូមិកណ្តាល ឃុំព្រះរំកិល ស្រុកថាឡាបរិវ៉ាត់ ជាអ្នកចាត់ចែងទីផ្សារទូទៅ។
លោកនាយការិយាល័យបន្តថា ក្រោយការឆែកឆេរលើខ្លួនមុខសញ្ញាជាជនសង្ស័យឈ្មោះសុំ សាង នៅចំណុចផ្លូវជាតិលេខ៩បំបែកចូលភូមិព្រះរំ កិល ឃុំសំអាង ស្រុកថាឡាបរិវ៉ាត់ រកឃើញវត្ថុតាងជាក់ស្តែងរួចមក សមត្ថកិច្ចជំនាញក៏បានបន្តទៅឃាត់ខ្លួនស្ត្រីឈ្មោះ មុត សៃ ដែលជាអ្នកលក់ចែកចាយគ្រឿងញៀននៅផ្ទះរបស់ខ្លួន ស្ថិតនៅភូមិព្រះរំកិល ឃុំព្រះរំកិល ស្រុកថាឡាបរិវ៉ាត់បន្ត។
ក្រោយការចាប់ខ្លួនជនសង្ស័យប្រុសស្រីទាំង២នាក់ខាងលើរួចមក ជំនាញការិយាល័យប្រឆាំងកា ជួញដូរគ្រឿងញៀននៃស្នងការដ្ឋាននគរបាលខេត្តបានបញ្ជូនមកស្នងការដ្ឋាននគរបាលខេត្តដើម្បីសាកសួរបន្ត។
លុះព្រឹកថ្ងៃទី៣ ឧសភា ២០១៩ ការិយាល័យជំនាញបានបែក កញ្ចប់ថ្នាំញៀនក្រោមការឯកភាពត្រួតពិនិត្យ ដោយព្រះរាជអាជ្ញារងអមសាលាដំបូងខេត្ត និងធ្វើតេស្តរកសារធាតុញៀននៅចំពោះមុខជនសង្ស័យ ជាក់ស្តែងជាលទ្ធផលពីការធ្វើ តេស្តបានបញ្ជាក់ថា ជាប្រភេទមេតំហ្វេតាមីនម្សៅក្រាមពណ៌សថ្លា មានទម្ងន់៩៩៤,៥ក្រាម ។
បច្ចុប្បន្នជនសង្ស័យទាំង២នាក់រួមទាំងវត្ថុតាងត្រូវបានកសាងសំណុំរឿងតាមនីតិវិធីទៅតុលាការដើម្បីតាមវិធានការច្បាប់៕
ចែករំលែកព័តមាននេះ