ផ្តន្ទាទោស សម រង្ស៊ី 2ករណីទៀត…
- ភ្នំពេញ
រាជធានីភ្នំពេញ ៖ លោក រស់ ពិសិដ្ឋ ចៅក្រមជំនុំជម្រះសាលាដំបូងរាជធានីភ្នំពេញ និងលោក ប្លង់ សុផល ជាតំណាងអយ្យការ…
រាជធានីភ្នំពេញ ៖ លោក រស់ ពិសិដ្ឋ ចៅក្រមជំនុំជម្រះសាលាដំបូងរាជធានីភ្នំពេញ និងលោក ប្លង់ សុផល ជាតំណាងអយ្យការ កាលពីរសៀលថ្ងទី២ ខែឧសភា បានសម្រេចប្រកាសសាលក្រមផ្តន្ទាទោសលោក សម រង្សុី ដាក់ពន្ធនាគារចំនួន៨ឆ្នាំ និងពិន័យជាប្រាក់ចំនួន២០លានរៀល ក្នុងសំណុំរឿងចំនួន១ផ្សេងគ្នា ។
ក្នុងសំណុំរឿងទី១ តុលាការផ្តន្ទាទោសលោក សម រង្ស៊ី ដាក់ពន្ធនាគារ៤ឆ្នាំ និងពិន័យ១០លានរៀល ក្រោម ការចោទប្រកាន់ពីបទញុះញង់កងទ័ពកុំឲ្យស្តាប់បង្គាប់ យោងតាមមាត្រា៤៧១ និងមាត្រា៤៧២នៃក្រមព្រហ្មទណ្ទ ប្រព្រឹត្តកាលពីថ្ងៃទី៥ ខែធ្នូ ឆ្នាំ២០១៧ ។ ចំណែកសំណុំរឿងទី២ ត្រូវបានលោកចៅក្រមផ្តន្ទាទោសដាក់ពន្ធនាគារចំនួន៤ឆ្នាំ និងពិន័យ១០លានរៀល ក្រោមការចោទប្រកាន់ពីបទ ប្រមាថលើអង្គព្រះមហាក្សត្រ យោងតាមមាត្រា៤៣៧ស្ទួននៃក្រមព្រហ្មទណ្ឌ ប្រព្រឹត្តកាលពីថ្ងៃទី៦ ទី៧ និងទី១០ ខែមិថុនាឆ្នាំ២០១៨ ។
ចំណែកសំណុំរឿងទី២ ត្រូវបានលោកចៅក្រមផ្តន្ទាទោសដាក់ពន្ធនាគារចំនួន៤ឆ្នាំ និងពិន័យ១០លានរៀល ក្រោមការចោទប្រកាន់ពីបទ ប្រមាថលើអង្គព្រះមហាក្សត្រ យោងតាមមាត្រា៤៣៧ស្ទួននៃក្រមព្រហ្មទណ្ឌ ប្រព្រឹត្តកាលពីថ្ងៃទី៦ ទី៧ និងទី១០ ខែមិថុនាឆ្នាំ២០១៨ ។
ចំពោះសាលក្រមទាំង២នេះ លោកចៅក្រមក៏បានចេញដីកាឲ្យសមត្ថកិច្ចតាមចាប់និងឃុំខ្លួនលោក សម រង្ស៉ី តាមអំណាចសាលក្រម ។ សូមជម្រាបថា សំណុំរឿងទាំង២ខាងលើនេះ ត្រូវបានបើកសវនាការជំនុំ ជម្រះកាលពីថ្ងៃទី២២ ខែមេសា ឆ្នាំ២០១៩ ហើយសម្រេចប្រកាសសាលក្រមនៅរសៀលថ្ងៃទី២ ខែឧសភា ឆ្នាំ២០១៩ ។
បើតាមលោក អុី រិន អ្នកនាំពាក្យសាលាដំបូងរាជធានីភ្នំពេញ ឱ្យដឹងថា ក្នុងសវនាការនេះដែរ ក៏មានលោក សំ សុគង់ ជាមេធាវីរបស់លោក សម រង្ស៊ី ក្នុងនាមជាមេធាវីជនជាប់ចោទ និងមានវត្តមានមេធាវីតំណាងដោយអាណត្តិរបស់អគ្គមេបញ្ជាការកងទ័ព លោក វង្ស ភក្តី តំណាងឱ្យដើមបណ្តឹងផងដែរ ។
សូមរំឭកថា កាលពីព្រឹកថ្ងៃទី៧ ខែធ្នូ ឆ្នាំ២០១៧ កងយោធពលខេមរភូមិន្ទបានដាក់ពាក្យប្តឹងលោក សម រង្ស៊ី ទៅកាន់សាលាដំបូងរាជធានីភ្នំពេញ ពាក់ព័ន្ធនឹងករណីញុះញង់កុំឲ្យយោធិនស្តាប់បង្គាប់រាជរដ្ឋាភិបាលស្របច្បាប់ ធ្វើឲ្យខូចទឹកចិត្តកងទ័ព និងប្រមាថថ្នាក់ដឹកនាំកងយោធពលខេមរភូមិន្ទ ។ ក្នុងពាក្យបណ្តឹងបានបញ្ជាក់ថា ការអំពាវនាវរបស់លោក សមរង្ស៊ី ធ្វើឲ្យប៉ះពាល់ដល់សន្តិសុខរដ្ឋ ដែលជាបទល្មើសចែងនៅក្នុងក្រមព្រហ្មទណ្ឌនៃព្រះរាជាណាចក្រកម្ពុជា ។
ការដាក់ពាក្យប្តឹងនេះ ធ្វើឡើងបន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិអំពាវនាវឲ្យកងទ័ពបង្វែរកាណុងមកលើរាជរដ្ឋាភិបាល ហើយបង្គាប់ឲ្យកងទ័ពឈប់គាំទ្រសម្តេចតេជោ ហ៊ុន សែន នៅលើទំព័រហ្វេសបុ៊ករបស់លោកកាលពីថ្ងៃទី៥ ខែធ្នូឆ្នាំ២០១៧ កន្លងទៅ ៕
ចែករំលែកព័តមាននេះ