រាជធានីភ្នំពេញ ៖ អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិ មនុស្សលោកស្រីរ៉ូណា ស្មីត បានធ្វើតាមដានចំពោះអនុសាសន៍ដែលផ្តល់ជូនក្រសួងយុត្តិធម៌កាលធ្វើទស្សនៈកិច្ចលើកពី៦ កាលពីពេលកន្លងមក ។ លោកជិន ម៉ាលីន អ្នកនាំពាក្យក្រសួងយុត្តិធម៌បានឲ្យដឹងក្រោយជំនួបរវាងលោកស្រីរ៉ូណាស្មីត អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំនៅកម្ពុជា ជាមួយលោករអង្គវង្សវឌ្ឍានារដ្ឋមន្ត្រីក្រសួងយុត្តិធម៌ នាព្រឹកថ្ងៃទី២ ខែឧសភាថា ក្នុងជំនួបលោកស្រី រ៉ូ ណាស្មីតបានលើក៣ចំណុចពាក់ព័ន្ធនឹងអ្វីដែលលោកស្រីបានលើកឡើងក្នុងជំនួបពិភាក្សាលើកទី៦កន្លងមក ។
លោកបន្តអនុសាសន៍ដែលលោកស្រីស្មីតលើកឡើងមានទី១-ការងារជំនូយផ្នែកច្បាប់រួមការផ្តល់មេធាវីការពាក្តីដល់ជនក្រីក្រ ទី២- តម្លាភាព និងគុណភាពសេវាដែលផ្តល់ឲ្យប្រជាពលរដ្ឋនៅតាមតុលាការនីមួយៗ និងទី៣- ពាក់ព័ន្ធនឹងការឃុំខ្លួនបណ្តោះអាសន្ន និងភាពចង្អៀតណែននៅក្នុងពន្ធនាគារ ។
បើតាមលោក ជីន ម៉ាលីន បានអះអាងថា ក្នុងជំនួបលោករដ្ឋមន្ត្រីអង្គ វង្ស វឌ្ឍានា រដ្ឋមន្ត្រីក្រសួងយុត្តិធម៌បានបង្ហាញពីការរីកចម្រើនដោយការងារខ្លះបានបំពេញបញ្ចប់ ហើយការងារ ខ្លះមិនទាន់បានបញ្ចប់ ហើយការខ្លះកំពុងធ្វើបន្តទៀតដោយសារបញ្ហាប្រឈមមួយចំនួន ។ ទាក់ទង និងបញ្ហាផ្នែកច្បាប់នេះក្រសួងយុត្តិធម៌បានធ្វើកិច្ចសហការជាមួយគណៈមេធាវីក្នុងការផ្តល់មេវីដល់ជនក្រីក្រនៅគ្រប់សាលាដំបូងរាជធានីខេត្ត ដោយមានមេធាវីប្រចាំការចំនួន៥ នាក់ ។ មកដល់ពេលនេះមេធាវីទាំងនោះបានការពាររឿងក្តីដល់ជនក្រីក្របានច្រើន ។
លោកបានបន្តថា ដើម្បីផ្តល់សេវាផ្នែកច្បាប់ឲ្យមានប្រសិទ្ធិថែមទៀតក្រសួងក៏បានបង្កើតមណ្ឌលសេវាយុត្តិធម៌នៅតាមស្រុកដែលមកដល់ពេលនេះបង្កើតមណ្ឌលយុត្តិធម៌បាន៦៦ម ណ្ឌល និងមានមន្ត្រីធ្វើការជិត៣០០នាក់ ។ លោកបញ្ជាក់ថា«នេះជាការវិវត្តច្រើនសម្រាប់សេវាផ្នែកច្បាប់ ។ មណ្ឌលនេះជួយដោះស្រាយចំពោះវិវាទតូចតាចនៅក្នុងសហគមន៍តាមឃុំ ស្រុក ដើម្បីធ្វើការអប់រំប្រជាពលរដ្ឋ និងផ្តល់ប្រឹក្សាផ្នែកច្បាប់ ។ អីញ្ចឹងគាត់ (លោករ៉ូ ណាស្មីត) វាយតម្លៃចំពោះការខិតខំប្រឹងប្រែងនេះ» ។
អ្នកនាំពាក្យដដែលក៏បានអះអាងក្នុងជំនួបនោះលោកស្រី រ៉ូណាស្មីត ក៏បានអបអសារទ ចំពោះការបង្កើតក្រុមមេធាវីរបស់សម្តេចតេជោហ៊ុន សែន កាលពីពេលថ្មីនេះ ដើម្បីជួយដល់ប្រ ជាពលរដ្ឋពិសេសនោះស្ត្រីក្រីក្រផងដែរ ។ ជាមួយគ្នានោះដែរលោកស្រីស្មីតក៏បានផ្តល់អនុសាសន៍ឲ្យមានការច្របាច់បញ្ចូលគ្នានៃសេវាផ្នែកច្បាប់ដោយបង្កើតជាច្រកចេញចូលតែមួយ ដើម្បីផ្តល់ភាពងាយស្រួលដល់ប្រជាពលរដ្ឋក្នុងការស្វែងរកសេវាផ្នែកច្បាប់ផងដែរ ។ ការធ្វើបែបនេះក៏កុំឲ្យមានការពិបាកក្នុងស្វែងរក និងចំណាយពេលវាច្រើន ។ សម្រាប់ការផ្តល់អនុសាសន៍នេះត្រូវបានលោករដ្ឋមន្ត្រីក្រសួងយុត្តិធម៌បានលើកឡើងថា ក្រសួងនឹងធ្វើការពិចារណា ។ ប៉ុន្ទែពេលនេះមានជ្រើសរើសច្រើនសម្រាប់ប្រជាពលរដ្ឋក្នុងការទទួល និងជ្រើសរើសផ្នែកច្បាប់ ។ នេះបើតាមអ្នកនាំពាក្យក្រសួងយុត្តិធម៌ ៕
ចែករំលែកព័តមាននេះ