នាងជេនីហ្វើ ហ្កាន័រ (Jennifer Garner) តារាឯកដ៏ល្បីបានដាក់ខ្លួនថាមិនសូវស្រស់ស្អាត និងមិនធ្លាប់លើកតម្កើងខ្លួនជាមនុស្សមានមន្តស្នេហ៍ទេក្រោយពីមានឱកាសស្ថិតនៅលើទំព័រទស្សនាវដ្ដី «People» ។
ទោះបីជាស្ថានភាពជីវិតនៃគូស្រករបស់ជេនីហ្វើ ហ្កាន័រ ជាមួយលោកបេន អាផ្លិច (Ben Affleck) បានបញ្ចប់ក៏ដោយ ប៉ុន្តែពួកគេទាំង២នៅរាប់អានគ្នាជាមិត្ត និងត្រូវបំពេញកាតព្វកិច្ចចិញ្ចឹមកូនទាំង៣នាក់ ។ ទោះបីជាមេម៉ាយកូនបីក៏ដោយ ប៉ុន្តែជេនីហ្វើ ហ្កាន័រ ស្រស់ស្អាត និងជានារីឆ្នើមមួយរូបទាំងការងារទាំងការថែរក្សាកូនចៅ ។ ក្រៅពីនេះមានការកោតសរសើរថាជានារីដ៏លេចធ្លោមួយរូប ។
ជេនីហ្វើ ហ្កាន័រ និយាយថា «ខ្ញុំមិនមែនជាមនុស្សម្នាក់ក្នុងចំណោមនារីដ៏ស្រស់ស្អាត ខ្ញុំជាមនុស្សមិនសូវមានទំនុកចិត្ត និងមិនបានលើកតម្កើងថាជាអ្នកមានមន្តស្នេហ៍ទេ ។ បច្ចុប្បន្នមានកូន៣នាក់នៅចាំជួយផ្ដល់ជាកម្លាំងចិត្ត ពិសេសនៅពេលត្រឡប់មកផ្ទះក្រោយពីថតរឿងរួច ពួក កូនៗចង់ឲ្យខ្ញុំជាម្ដាយដ៏ល្អរបស់ពួកគេ »៕
ចែករំលែកព័តមាននេះ