ប្រទេសជប៉ុន ៖ ភ្នាក់ងារសារព័ត៌មាន Japan Times បានរាយការណ៍មកកាលពីថ្ងៃចន្ទកន្លងមកថា រដ្ឋាភិបាលលោកនាយករដ្ឋមន្ត្រី Shinzo Abe កំពុងតែពិចារណាលើការស្នើច្បាប់ថ្មីសម្រាប់ការវិនិ…
ប្រទេសជប៉ុន ៖ ភ្នាក់ងារសារព័ត៌មាន Japan Times បានរាយការណ៍មកកាលពីថ្ងៃចន្ទកន្លងមកថា រដ្ឋាភិបាលលោកនាយករដ្ឋមន្ត្រី Shinzo Abe កំពុងតែពិចារណាលើការស្នើច្បាប់ថ្មីសម្រាប់ការវិនិ យោគលើហេដ្ឋារចនាសម្ព័ន្ធក្នុងប្រទេសកំពុងអភិវឌ្ឍន៍ពេលដែលប្រទេសជប៉ុនធ្វើជាម្ចាស់ផ្ទះនៃកិច្ចប្រជុំ G20 នៅខែមិថុនាខាងមុខនេះ បន្ទាប់ពីប្រទេសចិនទទួលរងការិះគន់ទាក់ទិននឹងការផ្តួចផ្តើមខ្លួន។
គម្រោងហេដ្ឋារចនាសម្ព័ន្ធដែលត្រូវបានវិនិយោគដោយប្រទេសចិនមួយចំនួនត្រូវបានរិះគន់ថាផ្តល់សម្ពាធបំណុលដល់ប្រទេសដែលទទួលដែលបង្ខំឲ្យពួកគេផ្តល់អត្ថប្រយោជន៍ដើម្បីដោះដូរនឹងការលុបបំណុល។
ប្រភពដែលមកពីរដ្ឋាភិបាលជប៉ុនបាននិយាយថា វានៅលឿននៅឡើយក្នុងការដឹងថាប្រទេសចិននឹងយល់ព្រមលើសំណើរច្បាប់ក្នុងការបង្កើនតម្លាភាពនៃកិច្ចព្រមព្រៀង និងពិចារណាបន្ថែមលើសមត្ថភាពក្នុងការសងបំណុលរបស់ក្រុមហ៊ុនដែលទទួលការវិនិយោគឬទេ។
ក្រៅពីច្បាប់ដែលធានាដល់តម្លាភាព និងតួនាទីក្នុងការវិនិយោគហើយ ប្រទេសជប៉ុនចង់អនុវត្តវិធានដែលអាចធានាពីភាពបើកទូលាយនៃហេដ្ឋារចនាសម្ព័ន្ធដោយធានាថាហេដ្ឋារចនាសម្ព័ន្ធទាំងនេះអាចត្រូវបានប្រើប្រាស់ក្នុងរយៈពេលវែងបាន។
ខណៈដែលទំនាក់ទំនងរវាងប្រទេសជប៉ុននិងចិនបន្តកាន់តែប្រសើរឡើង ប្រទេសជប៉ុនក៏សង្ឃឺមថាច្បាប់ថ្មីអាចបង្កើតជាមូលដ្ឋានសម្រាប់កិច្ចសហប្រតិបត្តិការស៊ីជម្រៅរវាងគម្រោងហេដ្ឋារចនាសម្ព័ន្ធបរទេសទាំងពីរដែរ។
លោកនាយករដ្ឋមន្ត្រី Abe កំពុងតែងាកទៅកាន់កិច្ចសហប្រតិបត្តិការក្រោមលក្ខខណ្ឌជាមួយនឹងការផ្តួចផ្តើមខ្សែក្រវាត់និងវិថីរបស់របស់ប្រទេសចិន។
ក្រៅពីបញ្ហាពាណិជ្ជកម្មនិងវិនិយោគហើយ កិច្ចប្រជុំ G20 ខាងមុខនេះក៏នឹងផ្តោតសំខាន់លើបញ្ហាយេនដឺ និងមនុស្សជរា ព្រមទាំងបញ្ហាបម្រែបម្រួលបរិយាកាស និងបញ្ជាក់ពីសារៈសំខាន់នៃពហុភាគីនិយមសម្រាប់បញ្ហាជុំវិញពិភពលោកដែរ៕
ចែករំលែកព័តមាននេះ