ខេត្តកណ្តាល ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា មានអ្នកនយោបាយខ្លះបានស្នើឲ្យកម្មករចាប់សម្តេច ប៉ុន្តែអ្វីដែលស្នើនោះមិនពិតនោះទេ ។ ការលើកឡើងរបស់សម្តេចតេជោ…
ខេត្តកណ្តាល ៖ សម្តេចតេជោ ហ៊ុន សែន នាយករដ្ឋមន្ត្រីបានអះអាងថា មានអ្នកនយោបាយខ្លះបានស្នើឲ្យកម្មករចាប់សម្តេច ប៉ុន្តែអ្វីដែលស្នើនោះមិនពិតនោះទេ ។ ការលើកឡើងរបស់សម្តេចតេជោ ហ៊ុន សែន បន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិបានអះអាងថា នឹងមកស្រុក ហើយនាំកម្មករពីក្រៅមកចាប់សម្តេចតេជោហ៊ុន សែន នៅក្នុងប្រទេសកម្ពុជាទៀតផង ។
ថ្លែងក្នុងឱកាសអញ្ជើញពិសាអាហារសាមគ្គី និងរាំលេងកម្សាន្តជាមួយបងប្អូនកូនក្មួយកម្មករ កម្មការិនីនៅរោងចក្រយីដា ប្រមាណ៣,៧០០នាក់ ស្ថិតនៅភូមិឫស្សីស្រុក ឃុំឈើទាល ស្រុកកៀនស្វាយ ខេត្តកណ្តាល ដើម្បីអបអរសាទរ «ទិវាពលកម្មអន្តរជាតិ១ឧសភា» លើកទី១៣៣ ឆ្នាំ២០១៩ សម្តេចតេជោបានបញ្ជាក់យ៉ាងដូច្នេះថា «កន្លងទៅប៉ុន្មានសប្តាហ៍មកនេះ មានអ្នកនយោបាយខ្លះបានស្នើឲ្យកម្មករចាប់ពូ ហើយថ្ងៃនេះពិតត្រឹមត្រូវមានមែន គឺកម្មករចាប់ពូថើប ចាប់អោប និងចាប់ថតរូបជាដើម» ។ សម្តេចបន្តថា សកម្មភាពនេះក៏បានបង្ហាញពីភាពជិតស្និតរវាងកម្មករកម្មការិនីជាមួយថ្នាក់ដឹកនាំប្រទេស ប៉ុន្តអ្វីដែលហួសពីនេះ គឺការសាមគ្គីភាពនូវក្នុងចំណោមអយើងទាំងអស់គ្នា ។ សម្តេចក៏អរគុណដល់ម្ចាស់រោងចក្រចំនួន១២៨៧ និងរោងចក្រផ្សេងទៀតដែលបានរៀបចំកម្មវិធីសំណេះសំណាល និងការជួបជុំ ដើម្បីជួបជុំបាយសាមគ្គី និងការរាំងលេងកម្សាន្តនៅតាមបណ្តាលរោងចក្រនានា ។
សម្តេចបន្ថែមថា បើប្រៀបធៀបចំនួនរោងចក្រនៅឆ្នាំ២០១៨ នៅឆ្នាំ២០១៩នេះមានចំនួន១២៨៧ គឺកើន៣៩៤រោងចក្របានរៀបចំកម្មវិធីបាយសាមគ្គី និងរាំលេងកម្សាន្ត ។ សម្រាប់កម្មករវិញឆ្នាំនេះមានចំនួន៧៩ម៉ឺននាក់ គឺកើន២៦ម៉ឺននាក់ប្រៀបធៀបនឹងឆ្នាំ២០១៨ ។ ជាមួយគ្នានោះដែរសម្តេចបានអបរអរសាទចំពោះកម្មករដែលចូលរួមកម្មវិធីកម្សាន្តនៃទិវាពលកម្មអន្តរជាតិ ១ឧសភា ឆ្នាំ២០១៩ នេះ ។ សម្តេចក៏បានលើកឡើងថា សិទ្ធិជ្រើសរើសក្នុងការអបអរសាទទិវាពលកម្មអន្តរជាតិ១ឧសភា មានផ្សេងគ្នា ដោយអ្នកខ្លះបានជ្រើសរើសបាយសាមគ្គីនៅតាមរោងចក្រ អ្នកខ្លះជ្រើសរើសនៅតាមផ្ទះ អ្នកខ្លះជ្រើសរើសតាមការប្រមូលផ្តុំដាក់ញាត្តិទាមទារនេះទាមទារនោះ ។
សម្តេចបញ្ជាក់ថា«នេះជាសិទ្ធិដែលបានអនុវត្តនៅក្នុងប្រទេសកម្ពុជាយើង» ។ ជាមួយគ្នានោះដែរសម្តេចក៏បានឲ្យដឹងថា នៅថ្ងៃ១ឧសភានេះ ក៏មានការប្រលងប្រជែងប្រុសស្អាត ស្រីស្អាតដែលកម្មករមកពីបណ្តារោងចក្រនានា សម្រាប់ឆ្នាំ២០១៩ផងដែរ ។ សម្តេចក៏បានសម្តែងក្តីសង្ឃឹមថា នឹងមានការរៀបចំកម្មវិធីអបអរសាទទិវាពលកម្មរអន្តរជាតិ ១ឧសភា នៅឆ្នាំក្រោយៗទៀត ។ ក្នុងឱកាសនោះដែលសម្តេចតេជោក៏បានផ្តល់ថវិកាជូនកម្មករចំនួន៣៧០០នាក់ ក្នុងម្នាក់ៗទទួលបានថវិកា៥ម៉ឺនរៀល ៕
ចែករំលែកព័តមាននេះ