ទូរស័ព្ទ Galaxy Note9 ទទួលការ Update Software ធ្វើឱ្យប្រសើរឡើងផ្នែកកាមេរ៉ា និងសុវត្ថិភាព !
ក្រុមហ៊ុន Samsung កំពុងតែបង្កើតការ Update Software សម្រាប់ទូរស័ព្ទ Galaxy Note9 ដែលរាប់បញ្ចូលទាំងបញ្ហាសុវត្ថិភាព Android…
ក្រុមហ៊ុន Samsung កំពុងតែបង្កើតការ Update Software សម្រាប់ទូរស័ព្ទ Galaxy Note9 ដែលរាប់បញ្ចូលទាំងបញ្ហាសុវត្ថិភាព Android ។ សំខាន់ជាងនេះទៀតកម្មវិធីបង្កប់នេះក៏បន្ថែមជម្រើសមួយនៅក្នុងម៉ឺនុយនៃការកំណត់ដែលអនុញ្ញាតឱ្យអ្នកកំណត់ពេលបិទបើក Night Mode ដោយស្វ័យប្រវត្តិ ។
លើសពីនេះទៀតការបង្កើតថ្មីនេះភ្ជាប់មកជាមួយការកែលម្អកាមេរ៉ាដែលអនុញ្ញាតឱ្យអ្នកប្តូរ FOV នៃកាមេរ៉ា Selfie រវាង៦៨ដឺក្រេ និង៨០ដឺក្រេ ដោយមានជំនួយពីការបិទបើកមួយដែលមានទីតាំងនៅពីលើប៊ូតុងកាមេរ៉ា ។
ការធ្វើបច្ចុប្បន្នភាពនេះសម្រាប់ឧបករណ៍ដែលមានលេខកំណែ N960FXXU2CSDE ដោយវាមានទំហំប្រហែល 520MB ហើយបច្ចុប្បន្នវាត្រូវបានគេដាក់ឱ្យដំណើរការនៅក្នុងប្រទេសអាល្លឺម៉ង់ ។ ប្រសិនបើអ្នកមិនទាន់ទទួលបានការធ្វើឱ្យទាន់សម័យនៅលើ Galaxy Note9 របស់អ្នកក្នុងពេលនេះទេ គឺត្រូវរង់ចាំរយៈពេលមួយ ឬពីរសប្តាហ៍ទៀតអ្នកអាចពិនិត្យមើលតាមរយៈការចូលទៅកាន់ម៉ឺនុយ Settings > Software update ៕
ចែករំលែកព័តមាននេះ