បន្ទាយមានជ័យ ៖ ជនសង្ស័យជាជនជាតិចិនម្នាក់បានយកកូនកាំបិតចុងស្រួចផ្ជង់.កស្ត្រីរងគ្រោះគំរាមយកប្រាក់ ត្រូវបានឃាត់ខ្លួន និងបានកសាងសំណុំរឿងបញ្ចូនទៅសាលាដំបូងខេត្តបន្ទាយមានជ័យ ចាត់ការតាមច្បាប់នៅថ្ងៃទី៣០ ខែមេសា ឆ្នាំ២០១៩ ។
ជនសង្ស័យមានឈ្មោះ លី ស៊ួយ (LISHUAI) ភេទប្រុស អាយុ៣២ឆ្នាំ (ជាជនជាតិចិន) ដែលស្នាក់នៅក្រុងប៉ោយប៉ែត ។
លោកវរៈសេនីយទោ អ៊ុ សាខន នាយរងសេនាធិការដ្ឋានប្រចាំទិសក្រុងប៉ោយប៉ែតបានប្រាប់ថា នៅពេលឃាត់ខ្លួនជនសង្ស័យជនជាតិចិនម្នាក់ដែលចោទប្រកាន់ពីបទករណីលួច (ស្ថានទម្ងន់ទោស) គឺមានស្ត្រីម្នាក់ឈ្មោះ រុំ សុឃឿន ភេទស្រី អាយុ៣៤ឆ្នាំ រស់នៅភូមិមានជ័យសង្កាត់-ក្រុងប៉ោយប៉ែត បានប្តឹងជនសសង្ស័យជាជនជាតិចិនម្នាក់នេះ បានធ្វើសកម្មភាពបន្លំចូលក្នុងតូបប្តូរប្រាក់ និងលក់ដូរ ហើយបានយកកាំបិតសចុងស្រួចផ្ជង់.ក គំរាមទារប្រាក់នៅវេលាម៉ោង៣និង១០នាទី ថ្ងៃទី២៨ ខែមេសា ឆ្នាំ២០១៩ នៅចំណុចផ្សាដើមពន្ទ្រា ស្ថិតភូមិក្បាលស្ពានមួយសង្កាត់-ក្រុងប៉ោយប៉ែត ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្តបានបញ្ជាក់ថា ក្រោយពេលដែលកម្លាំងកងរាជអាវុធហត្ថក្រុងប៉ោយប៉ែតទទួលពាក់បណ្តឹង លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានដឹកនាំកម្លាំងធ្វើការស្រាវជ្រាវ និងកំណត់មុខសញ្ញា និងឃាត់ខ្លួនជនសង្ស័យជាជនជាតិចិនម្នាក់ ព្រមទាំងដកហូតវត្ថុតាងមានប្រាក់ថៃចំនួន៥៣.៧៤០បាត ប្រាក់ចិនចំនួន៧.៥៣៩យ័ន និងកាំបិតដងជ័យ ពណ៌ខ្មៅ១ ឃាត់នៅវេលាម៉ោង៧ព្រឹក ថ្ងៃទី៣០ ខែមេសា ឆ្នាំ២០១៩ នៅសង្កាត់- ក្រុងប៉ោយប៉ែត ។
លោកបានបញ្ជាក់ថា ក្រោយពេលឃាត់ខ្លួនជនសង្ស័យជាជនជាតិចិនបាននាំយកសាកសួរតាមចម្លើយ និងវត្ថុតាងត្រូវបានកសាងសំណុំរឿងបញ្ចូនទៅសាលាដំបូងខេត្ត ដើម្បីចាត់ការតាមច្បាប់ ហើយវត្ថុតាងដែលរឹបបានជារបស់ស្ត្រីរងគ្រោះត្រូវបានប្រគល់ជូនវិញ ៕
ចែករំលែកព័តមាននេះ