ក្រុមហ៊ុន Huawei កំពុងតែត្រៀមខ្លួនរួចជាស្រេចដើម្បីបង្ហាញស្មាតហ្វូនស៊េរី P Smart ថ្មីជាមួយនឹងកាមេរ៉ាថតរូបដែលមានលក្ខណៈពិសេស ។ ស្មាតហ្វូននេះត្រូវបានគេហៅថា «Huawei P Smart Z» ដែលមាននិន្នាការស្រដៀងម៉ូដែល Vivo NEX S និង Oppo Find X ដែរ ។
តាមការលេចធ្លាយពី Mobielkopen គឺបានបង្ហាញនូវលក្ខណៈពិសេសសរបស់ P Smart Z ដែលមានកាមេរ៉ាមុខលៀនឡើងចេញក្រៅទំហំ 16MP ជាមួយនឹង f / 2.0 aperture ។ ទូរស័ព្ទនេះវានឹងមានអេក្រង់ដ៏ធំទំហំ 6.59 អ៊ីងជាមួយនឹង Full HD + 2340 x 1080 px ជាមួយដង់ស៊ីតេភីកស៊ែល 391 ppi និង មានសមាមាត្រ 19.5:9 ។
P Smart Z ត្រូវបានគេរំពឹងថា នឹងមានមកជាមួយពណ៌ខ្មៅ, ពណ៌បៃតង ( Emerald Green) និង ពណ៌ខៀវ (Sapphire Blue) ផងដែរ ។ សូមបញ្ជាក់ផងដែរថា ក្រុមហ៊ុន Huawei មិនមានព្រឹត្តិការណ៍ធំសម្រាប់បង្ហាញឧបករណ៍កម្រិតកណ្តាលនេះទេ ៕
ចែករំលែកព័តមាននេះ