កាលពីដើមខែនេះយើងបានឮថា ក្រុមហ៊ុន Intel បានសម្រេចបោះបង់ការអភិវឌ្ឍម៉ូឌឹម 5G របស់ខ្លួនបន្ទាប់ពីការដោះស្រាយដ៏គួរឱ្យភ្ញាក់ផ្អើលរវាងក្រុមហ៊ុន Apple និង ក្រុមហ៊ុន Qualcomm…
កាលពីដើមខែនេះយើងបានឮថា ក្រុមហ៊ុន Intel បានសម្រេចបោះបង់ការអភិវឌ្ឍម៉ូឌឹម 5G របស់ខ្លួនបន្ទាប់ពីការដោះស្រាយដ៏គួរឱ្យភ្ញាក់ផ្អើលរវាងក្រុមហ៊ុន Apple និង ក្រុមហ៊ុន Qualcomm ។
ក្រុមហ៊ុន Intel បានប្រកាសពីការព្យាករហិរញ្ញវត្ថុទាបដោយបញ្ជាក់ថាកិច្ចព្រម ព្រៀងរវាងគូប្រកួតប្រជែង និង ក្រុមហ៊ុនផលិតទូរស័ព្ទ iPhone គឺជាហេតុផលសំខាន់ក្នុងការ បោះបង់គំនិតពីការផលិតម៉ូឌឹម 5G សម្រាប់ទូរស័ព្ទចល័ត ។
ការបោះបង់ផែនការសម្រាប់ការតភ្ជាប់ជំនាន់បន្ទាប់ហាក់ដូចជាជំហានដែលសមហេតុផលចាប់តាំងពីក្រុមហ៊ុន Apple ជាអតិថិជនដ៏ធំបំផុតរបស់ម៉ូឌឹម Intel ។ ទោះបីជាយ៉ាងណាក៏ដោយក្រុមហ៊ុន Intel នឹងបន្តធ្វើការលើបណ្តាញ និង ផលិតផលហេដ្ឋារចនាសម្ព័ន្ធក៏ដូចជាម៉ូឌឹមសម្រាប់ឧបករណ៍ដែលមិនមែនជាស្មាតហ្វូន ។
ចំណែកឯក្រុមហ៊ុន Qualcomm គឺមានម៉ូឌឹម 5G រួចហើយដូចជា Snapdragon X50 ប៉ុន្តែវាមិនទំនងនោះទេដែលក្រុមហ៊ុនផលិតបន្ទះឈីបមានមូលដ្ខាននៅទីក្រុង San Diego មួយនេះនឹងផ្តល់ឱ្យសម្រាប់ទូរស័ព្ទ iPhone ឆ្នាំ ២០១៩ ។
អ្នកវិភាគបានព្យាករណ៍ថាយើងនឹងមើលឃើញទូរស័ព្ទរបស់ Apple ដែលមានសមត្ថភាព gigabit នៅឆ្នាំ ២០២០ នៅពេលដែលយើងរំពឹងថាល្បឿន 5G នឹងត្រូវបានចែកចាយយ៉ាងទូលំទូលាយនៅទូទាំងសហរដ្ឋអាមេរិក និង ទីផ្សារធំៗផ្សេងទៀតបើប្រៀបធៀបទៅនឹងការម្រិតដែលមាននៅពេលនេះ ៕
ចែករំលែកព័តមាននេះ