តាមប្រភពព័តមាន Goal បានឱ្យដឹងថា កីឡាករជើងខ្លាំង Cristiano Ronaldo បានរកគ្រាប់បាល់ជូនក្លិបសរុបទាំងអស់តាំងពីដើមអាជីពមក បានដល់៦០០គ្រាប់ ក្រោយពីយកស៊ុតចូលមួយគ្រាប់នៅក្នុងការប្រកួតជាមួយនឹង Inter Milan។
នៅនាទីទី៦២ទៅហើយ ទម្រាំតែ Ronaldo ស៊ីបានមួយគ្រាប់ ធ្វើឱ្យ Juventus ភ័យមិនតិចទេ ព្រោះខាង Inter ស៊ីបានមុនតាំងពីនាទីដំបូង។ ជាលទ្ធផលនៃការប្រកួត គឺក្លិបទាំងពីរនេះស្មើរគ្នា។
កីឡាករវ័យ៣៤ឆ្នាំរូបនេះ បានយកឈ្នះលើកំណត់ត្រារបស់ Messi ដោយមានគ្រាប់បាល់សរុប៦០០គ្រាប់ ខណៈដែល Messi មានត្រឹមតែ៥៩៧គ្រាប់។ វាជាចំនួនគ្រាប់ដែលគេគិតតែក្នុងការប្រកួតឱ្យក្លិបប៉ុណ្ណោះ។
អ្វីដែលយើងគួរដឹងនោះគឺថា Ronaldo លេងឱ្យក្លិបបួនទៅហើយ ខណៈដែល Messi តាំងពីដើមមកនៅលេងឱ្យតែ Barcelona។ Ronaldo កាលនៅក្លិប Sporting Lisbon រកបាន ៥គ្រាប់ នៅក្លិប Man Utd រកបាន ១១៨គ្រាប់ នៅក្លិប Real Madrid រកបាន ៤៥០គ្រាប់ និង នៅ Juventus ដែលជាក្លិបបច្ចប្បន្ន រកបាន ២៧គ្រាប់៕
ចែករំលែកព័តមាននេះ