រាជធានីភ្នំពេញ ៖ រដ្ឋសភានៃព្រះរាជណាកម្ពុជានឹងរៀបចំបើកកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍នៃសភានិយាយភាសាបារាំងហៅកាត់ថា APF រយៈពេល២ថ្ងៃ ។ យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភាចេញផ្សាយ នៅថ្ងៃទី២៩ មេសា…
រាជធានីភ្នំពេញ ៖ រដ្ឋសភានៃព្រះរាជណាកម្ពុជានឹងរៀបចំបើកកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍នៃសភានិយាយភាសាបារាំងហៅកាត់ថា APF រយៈពេល២ថ្ងៃ ។ យោងតាមសេចក្តីជូនដំណឹងរបស់អគ្គលេខាធិការដ្ឋានរដ្ឋសភាចេញផ្សាយ នៅថ្ងៃទី២៩ មេសា បានឲ្យដឹងថា កិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍នៃសភានិយាយភាសាបារាំងនឹងប្រព្រឹត្តទៅចាប់ពីថ្ងៃទី៣ ដល់ថ្ងៃទី៤ ខែឧសភា ដោយមានការអញ្ជើញចូល រួមពីគណៈប្រតិភូនៃបណ្ដាប្រទេសនិយាយភាសាបារាំងចំនួនប្រមាណ៤០រូបមកពី១៥ប្រទេ ស ។
កិច្ចប្រជុំនេះនឹងប្រព្រឹត្តទៅក្រោមអធិបតីភាពលោកប៉ែន បញ្ញា ប្រធានក្រុមសភាជាតិកម្ពុជានិយាយភាសាបារាំង និងមានការចូលរួមពីគណៈប្រតិភូសភានៃបណ្ដាប្រទេសនិយាយភាសាបារាំង (APF) សមាជិក សមាជិកាព្រឹទ្ធសភា រដ្ឋសភា តំណាងអង្គទូតនៃប្រទេសជាសមាជិកសភានិយាយភាសាបារាំងតំណាងអង្គការជាតិអន្តរជាតិ និងមន្ត្រីជាច្រើនរូប ។ ប្រភពបានបន្តថា កិច្ចប្រជុំនេះមានសារៈសំខាន់ក្នុងការពង្រឹងកិច្ចសហប្រតិបត្តិការឲ្យកាន់តែស៊ីជម្រៅបន្ថែមទៀត នៅក្នុងគ្រួសារ APF ហើយក៏ជាឱកាសដ៏ល្អសម្រាប់តំណាងប្រជាពលរដ្ឋមកពីគ្រប់ទិសទីនៅលើសកលលោក រួមគ្នាត្រួតពិនិត្យលទ្ធផលដែលបានអនុវត្តនាពេលកន្លងមក ធ្វើការពិភាក្សា និងផ្លាស់ប្ដូរទស្សនទានលើប្រធានបទសំខាន់ៗដែលជាបញ្ហាកន្លងមកផងដែរ ។
បញ្ហាដែលនឹងត្រូវលើកយកមកពិភាក្សារមាន១-ការពិនិត្យមើលសកម្មភាពរបស់អង្គការ (AFD ) ទាក់ទងនឹងការអភិវឌ្ឍជាចីរភាពនៅព្រះរាជាណាចក្រកម្ពុជា និងកិច្ចសហប្រតិបត្តិការសេដ្ឋកិច្ចរវាងព្រះរាជាណាចក្រកម្ពុជា និងបណ្ដាប្រទេសនិយាយភាសាបារាំង ។ ២- បង្ហាញ និងការពិនិត្យលើសេចក្តីព្រាងរបាយការណ៍ នឹងសេចក្តីសម្រេចស្ដីពីអំពើពុករលួយជាឧបសគ្គដល់ការអភិវឌ្ឍ ។ ៣- ការប្រើប្រាស់ឌីជីថលនៅក្នុងតំបន់និយាយភាសាបារាំង ។ ៤- ផលប៉ះពាល់នៃបដិវត្តន៍ឌីជីថល លើការងារនៅក្នុងនោះផងនៃប្រទេសនិយាយភាសាបារាំង ។ និង៥-ការបាត់បង់ និងការខ្ជះខ្ជាយចំណីអាហារ ។
សូមជម្រាបថាគណៈកម្មការកិច្ចកិច្ចសហប្រតិបត្តិការ និងអភិវឌ្ឍន៍គណៈកម្មការមួយក្នុងចំណោមគណៈកម្មការជំនាញចំនួន៥ទៀត របស់សភានិយាយភាសាបារាំង APF ។ សភានិ យាយភាសាបារាំង (APF) បានបង្កើតឡើងឡើងនៅឆ្នាំ១៩៦៧ ហើយមកទល់នឹងពេលនេះ មានសមាជិកជាង៨០ក្រុមសភាជាតិ និងបានផ្លាស់វេនគ្នារៀបចំកិច្ចប្រជុំគណៈ កម្មការនីមួយៗជាទៀងទាត់ ៕
ចែករំលែកព័តមាននេះ