ប្រទេសស្រីលង្កា ៖ អ្នកនាំពាក្យយោធាម្នាក់ថ្លែងកាលពីថ្ងៃទី២៧ មេសាថា សាកសពមនុស្ស១៥នាក់ក្នុងនោះមានកុមារ៦នាក់ បានត្រូវរកឃើញនៅកន្លែងមួយ ដែលមានការបាញ់តតាំងគ្នាយ៉ាងខ្លាំង កាលពីយប់ថ្ងៃទី២៦មេសា នៅភាគខាងកើតស្រីលង្កា រវាងកងកម្លាំងសន្តិសុខនិងពួកជនប្រដាប់អាវុធ…
ប្រទេសស្រីលង្កា ៖ អ្នកនាំពាក្យយោធាម្នាក់ថ្លែងកាលពីថ្ងៃទី២៧ មេសាថា សាកសពមនុស្ស១៥នាក់ក្នុងនោះមានកុមារ៦នាក់ បានត្រូវរកឃើញនៅកន្លែងមួយ ដែលមានការបាញ់តតាំងគ្នាយ៉ាងខ្លាំង កាលពីយប់ថ្ងៃទី២៦មេសា នៅភាគខាងកើតស្រីលង្កា រវាងកងកម្លាំងសន្តិសុខនិងពួកជនប្រដាប់អាវុធ ដែលសង្ស័យស្ថិតក្នុងក្រុមអ៊ិស្លាមនិយមមួយ។
ការបាញ់តតាំងគ្នានេះកើតមានខណៈមានប្រតិបត្តិការរបស់កងកម្លាំងសន្តិសុខ កាលពីថ្ងៃទី២៦មេសា នៅAMPARA SAINTHAMARUTHU ជិតក្រុងBATTICALOA ជាកន្លៃងមានការវាយប្រហារមួយ ក្នុងចំណោមការវាយប្រហារភេរវកម្ម កាលពីថ្ងៃទី២១មេសា ប្រឆាំងបណ្ដាព្រះវិហារនិងសណ្ឋាគារទំនើបៗរបស់ប្រទេស។
តុល្យការនៃការវាយប្រហារទាំងនោះដែលមានការសម្របសម្រួលគ្នា ប្រកាសទទួលខុសត្រូវដោយក្រុមរដ្ឋអ៊ិស្លាម មានការចុះថយដោយអាជ្ញាធរពេលនេះនិយាយពីចំនួនអ្នកស្លាប់ថាមាន២៥៣នាក់ ពុំមែន៣៥៩នាក់ឡើយ។
យោងតាមអ្នកនាំពាក្យយោធារូបនោះ លោកSUMITH ATAPATTUថា មានការផ្ទុះ៣កើតមានខណៈកងកម្លាំងសន្តិសុខចូលទៅក្បែរផ្ទះមួយ ជាកន្លែងលាក់ខ្លួនរបស់បណ្ដាមនុស្សដែលតាមរក ព្រោះមានទំនាក់ទំនងជាមួយការវាយប្រហារភេរវកម្ម ហើយក៏ផ្ទុះការបាញ់តតាំងគ្នារួមនឹងការវាយលុក។ កងកម្លាំងសន្តិសុខបានរកឃើញកន្លែងស្តុកគ្រឿងផ្ទុះមួយនៅទីនោះ។
អ្នកនាំពាក្យម្នាក់របស់ប៉ូលិសនិយាយថា ជនអត្តឃាត៣នាក់ ស្ថិតក្នុងចំណោមអ្នកស្លាប់ក្រោយការបាញ់តតាំងគ្នា។ ជនអត្តឃាតទាំងនេះសង្ស័យស្ថិតក្នុងក្រុមNATIONAL THAWHEED JAMA’UT (NTJ)ជាក្រុមមួយ ក្នុងចំណោមក្រុមអ៊ិស្លាមនិយមស្រីលង្កា២ ដែលអាជ្ញាធរសង្ស័យហើយទម្លាក់ការទទួលខុសត្រូវ លើការវាយប្រហារទាំងឡាយកាលពីថ្ងៃទី២១មេសា។ ប៉ូលិសតាមរកជនសង្ស័យ១៤០នាក់ មានទំនាក់ទំនងជាមួយក្រុមរដ្ឋអ៊ិស្លាម ហើយចាប់ពីថ្ងៃទី២១មេសាមក បានចាប់ខ្លួនមនុស្ស៧៦នាក់ហើយ ក្នុងនោះមានជនជាតិដើមកំណើតស៊ីរីនិងអេហ្ស៊ីប។
ក្រសួងការបរទេសអាមេរិក កាលពីថ្ងៃទី២៦មេសា បានណែនាំដល់ពលរដ្ឋអាមេរិក កុំឲ្យទៅកាន់ស្រីលង្កាដោយគូសបញ្ជាក់ថា ការគំរាមកំហែងភេរវកម្មនៅទីនោះនៅតែមានកម្រិតខ្ពស់។
យោងតាមរដ្ឋាភិបាលស្រីលង្កាថាការវាយប្រហារទាំងនេះ ប្រព្រឹត្តដោយជនអត្តឃាត៩នាក់ក្នុងនោះមាននារីម្នាក់។ ក្នុងចំណោមជនអត្តឃាតទាំងនេះមានម្នាក់ឈ្មោះMOHAMED ZAHRAN ជាគ្រូប្រដៅសាសនាអ៊ិស្លាមម្នាក់នាភាគខាងកើតស្រីលង្កា ហើយជននោះអាចជាអ្នករៀបចំការវាយប្រហារទាំងនោះ៕
ចែករំលែកព័តមាននេះ