ប្រទេសវៀតណាម ៖ យោងទៅតាមភ្នាក់ងារសារព័ត៌មាន Viet Nam News ដែលបានចេញផ្សាយកាលពីថ្ងៃទី ២៤កន្លងមកបានឲ្យដឹងថា ហាណូយកំពុងតែស្នើឲ្យមានការវិនិយោគក្នុងតំបន់កសិកម្មបច្ចេកវិទ្យាខ្ពស់ចំនួន ៩ ដោយមានគោលដៅបង្កើនគុណភាពផលិតផល បង្កើតខ្សែសង្វាក់ផលិតកម្ម និងលើកតម្កើងការនាំចេញ។
តំបន់ទំនាងនេះនឹងត្រូវបានបង្កើតឡើងក្នុង Hoai Duc, Ha Dong, Me Linh, Dan Phuong, Phuc Tho, Soc Son និង Ba Vi ព្រមទាំង Son Tay Town ផងដែរ។ នាយកដ្ឋានកសិកម្មនិងការអភិវឌ្ឍន៍ជនបទបាននិយាយថាពួកគេនឹងផ្តល់ជំនួយដល់អ្នកដែលវិនិយោគក្នុងការអភិវឌ្ឍន៍កសិកម្មប្រើប្រាស់បច្ចេកវិទ្យាខ្ពស់ក្នុងតំបន់ទាំងនេះ។
លោក Ta Van Tuong ដែលជាអនុប្រធាននាយកដ្ឋានកសិកម្មនិងអភិវឌ្ឍន៍ជនបទប្រចាំទីក្រុងហាណូយបានឲ្យដឹងថា ការអភិវឌ្ឍន៍កសិកម្មបច្ចេកវិទ្យាខ្ពស់គឺពិតជាសំខាន់ណាស់ក្នុងការធ្វើឲ្យផលិតផលមានគុណភាពស្របទៅនឹងស្តង់ដារអន្តរជាតិ និងជំរុញដល់ការនាំចេញ។
លោកបានបន្តថា ទីក្រុងនេះក៏មានគោលដៅលើកតម្កើងភាពតភ្ជាប់ក្នុងតំបន់ក្នុងផ្នែកផលិតកម្មវិស័យកសិកម្មផងដែរដើម្បីបង្កើតផលិតផលនាំមុខសម្រាប់ការនាំចេញ ហើយបច្ចេកវិទ្យាទំនើបៗត្រូវតែត្រូវបានប្រើប្រាស់ក្នុងគ្រប់ដំណាក់កាលតាំងពីផលិតកម្មទៅកែច្នៃ និងចែកចាយ។
ស្ថិតិដែលត្រូវបានចងក្រងដោយនាយកដ្ឋានខាងលើបានបង្ហាញថា Hanoi បានបង្កើតខ្សែសង្វាក់ផលិតកម្មប្រមាណ១២១ ហើយសម្រាប់កសិផលដែលមានសុវត្ថិភាព និងបានបង្កើតផលិតផលការពារប្រមាណ៤០ផងដែរ។
រដ្ឋធានីនេះបានសហការជាមួយនឹងខេត្ត និងទីក្រុងចំនួន ២១ ក្នុងផ្នែកធ្វើកសិកម្ម និងចែកចាយ ហើយលោក Tuong បានបន្តថារដ្ឋធានីមានគោលដៅតភ្ជាប់សហគ្រាសក្នុងទីក្រុងហាណូយជាមួយនឹងខេត្តនិងទីក្រុងដទៃទៀត ជាពិសេសខេត្តនិងទីក្រុងដែលមានសក្តានុពលខ្ពស់សម្រាប់ការធ្វើកសិកម្ម៕
ចែករំលែកព័តមាននេះ