រាជធានីភ្នំពេញ ៖ អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទិ្ធ មនុស្សប្រចាំកម្ពុជាលោកស្រីសាស្ត្រាចារ្យ រ៉ូណា ស្មីត (Rhona Smith) នឹងធ្វើទស្សនកិច្ចនៅកម្ពុជាចាប់ពីថ្ងៃទី២៩ ខែមេសា…
រាជធានីភ្នំពេញ ៖ អ្នករាយការណ៍ពិសេសរបស់អង្គការសហប្រជាជាតិស្តីពីស្ថានភាពសិទិ្ធ មនុស្សប្រចាំកម្ពុជាលោកស្រីសាស្ត្រាចារ្យ រ៉ូណា ស្មីត (Rhona Smith) នឹងធ្វើទស្សនកិច្ចនៅកម្ពុជាចាប់ពីថ្ងៃទី២៩ ខែមេសា ដល់ថ្ងៃទី០៩ ខែឧសភា ឆ្នាំ២០១៩ ។ នេះបើតាមបណ្តាញសង្គមរបស់ឧត្តមស្នងការសិទ្ធិមនុស្សប្រចាំនៅកម្ពុជា ។
ប្រភពបន្តថា លោកស្រីស្មីត បានមានប្រសាសន៍ថា «ខ្ញុំនឹងផ្តោតបេសកកម្មរបស់ខ្ញុំទៅលើស្ថានភាពសិទ្ធិមនុស្សនាពេលបច្ចុប្បន្ន និងតាមដានពីដំណើរវិវត្តន៍នានាចាប់តាំងពីបេសកកម្មរបស់ខ្ញុំ កាលពីខែវិច្ឆិកាកន្លងមក» ។ អ្នកជំនាញឯករាជ្យរបស់អង្គការសហប្រជាជាតិនឹងបន្តត្រួតពិនិត្យលើសិទ្ធិមនុស្សទាក់ទងនឹងគោលដៅអភិវឌ្ឍន៍ប្រកបដោយចីរភាពដោយផ្តោតជា ពិសេសលើការមិនរើសអើង និងសមភាពព្រមទាំងការចូលរួម និងគណនេយ្យភាព ៕
ចែករំលែកព័តមាននេះ