រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងអ្នកនយោបាយក្រុមប្រឆាំងនឹងចាញ់អាត្មាខ្លួនឯងដោយសារការភូតកុហសរហូត ។ ការលើកឡើងរបស់អ្នកនាំពាក្យបក្សកាន់អំណាចនេះ បន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិបានប្រកាសជារើយៗទៅកាន់អ្នកគាំទ្រខ្លួនថា នឹងមកស្រុកវិញឆាប់ៗនេះ ។…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានអះអាងអ្នកនយោបាយក្រុមប្រឆាំងនឹងចាញ់អាត្មាខ្លួនឯងដោយសារការភូតកុហសរហូត ។ ការលើកឡើងរបស់អ្នកនាំពាក្យបក្សកាន់អំណាចនេះ បន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិបានប្រកាសជារើយៗទៅកាន់អ្នកគាំទ្រខ្លួនថា នឹងមកស្រុកវិញឆាប់ៗនេះ ។
លោកសុខ ឥសាន បានឲ្យដឹងនៅថ្ងៃទី២៥ មេសាថា ពួកឧទ្ទាមក្រៅច្បាប់ខ្មែរដែលមិនហ៊ានចូលមកក្នុងស្រុក ដោយអស់សង្ឃឹមគិតតែដើរឃោសនាអកុសលមួលបង្កាច់សភាពការណ៍ពិតរបស់ប្រទេសជាតិខ្លួនឯង ដោយគិតថា មានប្រជាជនជឿពួកវា ។ លោកបញ្ជាក់ថា ពួកវាបានឃោសនាថា ព្រៃឈើនៅកម្ពុជារលាយអស់ហើយ ។ ការឈោសនាថា ព្រៃឈើរលាយអស់តាំងពី២០ឆ្នាំមុនមកម្ល៉េះ តែមកដល់ឥឡូវនៅតែរលាយអស់ដដែល ។ បើអស់ហើយតើបានព្រៃឈើឯណាមករលាយអស់ទៀត ? ពួកវានិយាយតែរឿងកាប់ តែការដាំព្រៃឈើដាំដើមឈើពួកវាមិនដែលនិយាយទេ ។
ជាក់ស្តែងចំការកៅស៊ូដែលកើនឡើងពី៥ម៉ឺនហិកតា ដល់៤០ម៉ឺនហិកតា តើចំការកៅស៊ូទាំងនោះជាព្រៃឈើទេ ? ប្រជាជនកម្ពុជាកើនដល់១៦លាននាក់ទ្វេ១ជា២ជា៣ បើមិនកាប់ព្រៃឈើខ្លះ តើបានដីឯណាសង់លំនៅដ្ឋាន និងបង្កបង្កើនផល ? បើមិនកាប់ព្រៃឈើខ្លះធ្វើម៉េចបានដីដើម្បីអភិវឌ្ឍន៍ប្រទេស ? ។ លោកបន្តថា ជាការមិនពិតទេ ដែលក្រុមប្រឆាំងលើកឡើងព្រោះថា ចាប់ពីទីក្រុងដល់ជនបទកន្លែងណាក៏មានបង្គោលតភ្ជាប់បណ្តាញអគ្គិសនីដែរ ។ នេះក៏ដោយសារមានទំនប់វារីអគ្គិសនីជាប្រភពឋាមពលអគ្គិសនី ។ បើជំនះធ្វើទាន់ម្ល៉េះ ខ្វះឋាមពលអគ្គិសនីប្រើប្រាស់ជាមិនខាន ។
លោកបញ្ជាក់ថា«ពួកវាបានតែថា រិះគន់ និងវាយប្រហាររាជរ្ឋាភិបាលកម្ពុជាតែគ្រាន់តែដាច់ភ្លើងបន្តិចបន្តួចពួកវានាំគ្នាស្រែក» ។ ជាមួយគ្នានោះដែរ អ្នកនាំពាក្យដដែលក៏បានលើកឡើងថាដោយសារនយោបាយការបរទេសរបស់រាជរដ្ឋាភិបាលកម្ពុជាត្រឹមត្រូវ ទើបពលករកម្ពុជាជាច្រើនមានការងារធ្វើនៅបរទេស ។ ពេលកន្លងទៅពួកឧទ្ទាមក្រៅច្បាប់បានវាយប្រហាររាជរដ្ឋាភិបាលកម្ពុជាថា យកកូនចៅប្រជាជនទៅធ្វើខ្ញុំកញ្ជះបរទេស ។ តែដល់មានអាសន្នចេះទៅរៃអង្គាសលុយកាក់ និងពឹងពាក់កម្លាំងពីពលករនៅបរទេសដែរ ដូចនៅកូរ៉េខាងត្បូងជាដើម ។
លោកបន្ថែមថា ដោយសារនយោបាយភូតកុហក់ច្រើននេះហើយបានមកដល់ពេលនេះលែងមានប្រជាជនកម្ពុជាណាជឿការភូតភរនេះ ដែលហៅថា គឺជានយោបាយភូតច្រើនចាញ់អាត្មា ៕
ចែករំលែកព័តមាននេះ