ខេត្តប៉ៃលិន ៖ កាលពីព្រឹកថ្ងៃទី២៣ ខែមេសា ឆ្នាំ២០១៩ លោកឈឹម វាសនា ប្រធានសាខាកាំកុងត្រូលខេត្តប៉ៃលិនសហការជាមួយលោកសុខ សាធីម ប្រធានមន្ទីរពាណិជ្ជកម្មខេត្តដឹកនាំមន្ត្រីជំនាញចុះណែនាំ…
ខេត្តប៉ៃលិន ៖ កាលពីព្រឹកថ្ងៃទី២៣ ខែមេសា ឆ្នាំ២០១៩ លោកឈឹម វាសនា ប្រធានសាខាកាំកុងត្រូលខេត្តប៉ៃលិនសហការជាមួយលោកសុខ សាធីម ប្រធានមន្ទីរពាណិជ្ជកម្មខេត្តដឹកនាំមន្ត្រីជំនាញចុះណែនាំ និងធ្វើការពិនិត្យមើលទំនិញហួសសុពលភាព និងខូចគុណភាពដែលអាជីវករដាក់តាំងលក់តាមតូបនៅផ្សារសាលាក្រៅ ស្ថិតក្នុងភូមិទួលខ្ពស់ ឃុំសាលាក្រៅ ស្រុកសាលាក្រៅ។
លោកឈឹម វាសនា ប្រធានសាខាកាំកុងត្រូលខេត្តបានលើកឡើងថា ដើម្បីធានាដល់សុខមាលភាពរបស់ពលរដ្ឋជាអ្នកទទួលទានទើបមន្ត្រីជំនាញសាខាកាំកុងត្រូលខេត្តអនុវត្តភារកិច្ចរបស់ខ្លួនចុះត្រួតពិនិត្យ និងផ្សព្វផ្សាយឱ្យពលរដ្ឋជាអាជីវករលក់ដូរ និងអ្នកទិញបានយល់ដឹងពីផលប៉ះពាល់ដល់សុខភាពចំពោះម្ហូបអាហារដែលខូចគុណភាពហួសកាលបរិច្ឆេទ និងគ្មានច្បាប់អនុញ្ញាត។
លោកបានបន្តទៀតថា ជាក់ស្តែងមន្ត្រីជំនាញបានចុះត្រួតពិនិត្យទំនិញហួសសុពលភាព និងខូចគុណភាពនៅតូបនានាដែលអាជីវករបានដាក់តាំងលក់ទំនិញផលិតផលផ្សេងៗ ដើម្បីការពារសុខមាលភាពប្រជាពលរដ្ឋអោយបានល្អស្របតាមគោលនយោបាយរបស់រាជរដ្ឋាភិបាល គឺហូបស្អាត រស់នៅស្អាត ដើម្បីសុខភាពរាងកាយ ។ លោកក៏បានណែនាំដល់អាជីវករដែលដាក់តាំងទំនិញលក់ទាំងអស់អោយយល់ដឹងពីទំនិញដែលហួសសុពលភាព និងខូចគុណភាពជាពិសេសកុំយកទំនិញខូចគុណភាពតាំងលក់អោយអ្នកប្រើប្រាស់ដែលបណ្តាលអោយប៉ះពាល់ដល់សុខភាព ។
ដូច្នេះអាជីវករលក់ទំនិញទាំងអស់ត្រូវចូលរួមសហការជាមួយមន្ត្រីជំនាញកាំកុងត្រូល និងត្រូវស្វែងយល់ដឹងពីសារ:សំខាន់នៃទំនិញនីមួយៗ និងរៀបចំទុកដាក់ទំនិញអោយបានត្រឹមត្រូវជៀសវាងកុំយកទំនិញខូចគុណភាពទៅលក់ដែលនាំអោយពាល់ដល់សុខភាពអ្នកប្រើប្រាស់ ។
សូមបញ្ជាក់ផងដែរថា ក្នុងពេលចុះត្រួតពិនិត្យទំនិញសមត្ថកិច្ចកាំកុងត្រូលបានដកហូតទំនិញខូចគុណភាពមួយចំនួនពីអាជីវករ ដើម្បីយកទៅកម្ទេចចោលរួមមាន ភេសជ្ជៈដបចំនួន២៣១ដប ប័រកំប៉ុងចំនួន១០កំប៉ុង នំស្រួយ៧២កញ្ចប់ ទឹកដោះគោខាប់ចំនួន១១កំប៉ុង មីកំប៉ុង០២កំប៉ុង ទឹកម្ទេសដប១១ដប ទឹកក្រូចកំប៉ុង១៧កំប៉ុង ម្សៅស៊ុបខ្នរ៤០កញ្ចប់ និងទឹកដោះគោក្មេង៣២០កំប៉ុងស្មើនឹង១០៣,២៦ គីឡូក្រាម ៕
ចែករំលែកព័តមាននេះ