តាមប្រភពពីMetroបានឱ្យដឹងថា ស្ត្រីនៅប្រទេសស្កុតឡែនម្នាក់បានប្រាប់ថា នាងឃើញរូបព្រះយេស៊ូនៅក្នុងអណ្តាតភ្លើងពេលឆេះព្រះវិហារល្បីល្បាញនៅបារាំង Notre Dame កាលពីថ្ងៃមុន ។ នាង Lesley Rowan…
តាមប្រភពពីMetroបានឱ្យដឹងថា ស្ត្រីនៅប្រទេសស្កុតឡែនម្នាក់បានប្រាប់ថា នាងឃើញរូបព្រះយេស៊ូនៅក្នុងអណ្តាតភ្លើងពេលឆេះព្រះវិហារល្បីល្បាញនៅបារាំង Notre Dame កាលពីថ្ងៃមុន ។ នាង Lesley Rowan អាយុ៣៨ឆ្នាំ កាលពីយប់ថ្ងៃចន្ទ កំពុងតែមើលទិដ្ឋភាពភ្លើងឆេះព្រះវិហារ Notre Dame ពីផ្ទះរបស់នាងនៅ Alexandria, West Dunbartonshire។ ស្រាប់តែពេលនោះ នាងចាប់អារម្មណ៍ថា ឃើញមានព្រះយេស៊ូនៅក្នុងអណ្តាតភ្លើង។
នាងបាននិយាយថា «ខ្ញុំអាចនឹងច្រឡំភ្នែក តែអ្នកទាំងអស់គ្នាសាកមើលជិតទៅមើល ហើយអ្នកនឹងឃើញ។ នៅពេលខ្ញុំមើលរូបនេះ កាលពីយប់មិញ ខ្ញុំពិតជាមានការភ្ញាក់ផ្អើលនឹងអ្វីដែលខ្ញុំបានឃើញមែនទែន»។
បើទោះបីជានាងលើកឡើងថា ឃើញមានរូបយេស៊ូបែបនេះក្តី មនុស្សមួយចំនួនទៀតថា វាគ្រាន់តែជារូបសំណាកដែលកំពុងឆេះនៅក្នុងព្រះវិហារ ខណៈដែលខ្លះទៀតថា វាគ្រាន់តែជាអណ្តាតភ្លើង។
គួរបញ្ជាក់ផងដែរថា ភ្លើងបានឆាបឆេះបំផ្លាញព្រះវិហារ Notre Dame Cathedral ដ៏ល្បីល្បាញរបស់បារាំងជាច្រើនម៉ោងកាលពីយប់ថ្ងៃច័ន្ទ ដោយធ្វើឱ្យមានការតក់ស្លុតក្នុងចំណោមប្រជាជនបារាំង និងអ្នកដែលឃើញទិដ្ឋភាពនោះ។ ព្រះវិហារ Notre Dame Cathedral ត្រូវបានសាងសង់ឡើងកាលពីសតវត្សរ៍ទី១៣ ហើយជាតំបន់ប្រវត្តិសាស្ត្រដ៏សំខាន់បំផុតមួយរបស់បារាំង៕
ចែករំលែកព័តមាននេះ