រាជធានីភ្នំពេញ ៖ បុរសម្នាក់ជាអ្នករត់ម៉ូតូកង់បីឥណ្ឌាជួបរឿងសយធំដឹកម៉ូយប៉ះចំចោរ២នាក់ធ្វើសកម្មភាពភ្ជង់ប្លន់យកទូរស័ព្ទដៃ២គ្រឿង និងកាបូបលុយបានហើយត្រូវបានសមត្ថកិច្ចធ្វើការស្រាវជ្រាវចាប់បានមកវិញ និងបញ្ចូនទៅខណ្ឌ៧មករា ដើម្បីសួរនាំហេតុការណ៍នេះដែលបានកើតឡើងកាលពីវេលាម៉ោង១១និង៣០នាទីយប់ ថ្ងៃទី២២ ខែមេសា ឆ្នាំ២០១៩ តាមបណ្តោយផ្លូវបេតុង…
រាជធានីភ្នំពេញ ៖ បុរសម្នាក់ជាអ្នករត់ម៉ូតូកង់បីឥណ្ឌាជួបរឿងសយធំដឹកម៉ូយប៉ះចំចោរ២នាក់ធ្វើសកម្មភាពភ្ជង់ប្លន់យកទូរស័ព្ទដៃ២គ្រឿង និងកាបូបលុយបានហើយត្រូវបានសមត្ថកិច្ចធ្វើការស្រាវជ្រាវចាប់បានមកវិញ និងបញ្ចូនទៅខណ្ឌ៧មករា ដើម្បីសួរនាំហេតុការណ៍នេះដែលបានកើតឡើងកាលពីវេលាម៉ោង១១និង៣០នាទីយប់ ថ្ងៃទី២២ ខែមេសា ឆ្នាំ២០១៩ តាមបណ្តោយផ្លូវបេតុង នៅចំណុចក្រោយបុរីកីឡា ស្ថិតនៅក្នុងសង្កាត់វាលវង់ ខណ្ឌ៧មករា ។
ជនសង្ស័យទី១ មានឈ្មោះជួង សុជាតិ ភេទប្រុស អាយុ២៧ឆ្នាំ ស្នាក់នៅបុរីកីឡាអគារF មុខរបររើសអេតចាយ ជាអ្នកធ្វើសកម្មភាពភ្ជង់ប្លន់ និងម្នាក់ទៀតមានឈ្មោះអ៊ឹង ឡាយហុង ភេទប្រុស អាយុ២០ឆ្នាំ ស្នាក់នៅភូមិ៥ សង្កាត់វាលវង់ ខណ្ឌ៧មករា ។
តាមប្រភពព័ត៌មានពីជនរងគ្រោះមានឈ្មោះសែម លាងហេង អាយុ១៨ឆ្នាំ បានអោយដឹងថា មុនពេលកើតហេតុរូបគាត់បានជិះម៉ូតូកង់បីឥណ្ឌាចេញមកពីម្តុំបឹងសាឡាងរួចមកដល់ចំណុចមុខវិទ្យាល័យសន្ធរមុខក៏លេចមុខជនសង្ស័យ២នាក់ មានឈ្មោះដូចខាងលើ បានប្រើល្បិចធ្វើជាហៅកង់បីរបស់គាត់អោយដឹកទៅបុរីកីឡាដែលជាចំណុចកើតហេតុខាងលើលុះពេលដែលរូបគាត់ដឹកទៅដល់ ស្រាប់តែម្នាក់មានឈ្មោះជួង សុជាតិ បានប្រើកូនកាំបិតយកមកភ្ជង់នឹងម្នាក់ទៀតមានឈ្មោះអ៊ឹង ហុងឡាយ បានប្លន់យកទូរស័ព្ទដៃចំនួន២គ្រឿង ។
ដែលមួយគ្រឿងម៉ាកiPhone 7 Plus និងមួយគ្រឿងទៀតម៉ាកសាំងសុង S7 រួមនឹងលុយ១០ម៉ឺន៥ពាន់រៀលយកទៅបាត់ដោយសុវត្ថិភាពតែបានជិត២ម៉ោងក្រោយមក ជនរងគ្រោះបានទៅដាក់ពាក្យបណ្តឹងរួចហើយក៏បានជិះត្រឡប់មកផ្ទះវិញរួចបើកទូរស័ព្ទដៃមួយគ្រឿង ដើម្បីឆែកតាមប្រព័ន្ធអាយខ្លូតក៏លោតសញ្ញាប្រាប់ថា ជនសង្ស័យកំពុងតែនៅលើផ្លូវ២២១ ផ្ទះសំណាក់ហេង ហ៊ួត សង្កាត់ផ្សារដេប៉ូ៣ ខណ្ឌទួលគោក ក៏សហការគ្នាជាមួយសមត្ថកិច្ចខណ្ឌ៧មករា បានចុះទៅទីតាំងលាក់ខ្លួន នៅបន្ទប់លេខ២០១ ក៏ឃាត់បានតែម្តងទៅរួមនឹងឆែកឆេរបន្ទប់មួយទៀតលេខ១០១ ក៏ឃាត់ខ្លួនបានអ្នកប្រើប្រាស់ថ្នាំញៀនចំនួន៣នាក់ ក្នុងនោះមានប្រុសម្នាក់ និងស្រី២នាក់យកទៅសួរនាំនៅអធិការដ្ឋាននគរបាលខណ្ឌ៧មករា ដើម្បីសួរនាំក្រោយពីធ្វើការសួរនាំរួចក៏ជនសង្ស័យខាងលើនេះបានឆ្លើយប្រាប់នឹងឈានទៅដល់ធ្វើការឃាត់ខ្លួនជនសង្ស័យដែលធ្វើសកម្មភាពភ្ជង់ប្លន់នៅចំណុចម្តុំបុរីកីឡា។
ក្រោយពេលកើតហេតុជនសង្ស័យខាងលើនេះត្រូវបានសមត្ថកិច្ចកសាងសំណុំរឿងបញ្ចូនទៅកាន់តុលាកា រដើម្បីចាត់ការទៅតាមនីតិវិធី ៕
ចែករំលែកព័តមាននេះ