ក្តុកក្តួលណាស់! ពាក្យពេចន៍ដ៏កំសត់របស់នាយតាក់ស៊ី ប្រាប់លោក អុឹម ជីវ៉ា
- ភ្នំពេញ
រាជធានីភ្នំពេញ ៖ តារាកំប្លែងប្រចាំស្ថានីយទូរទស្សន៍ CTN នាយ តាក់ស៊ី បានប្រកាសជំហរក្នុងបំណងចេញទៅបួសជាលោកសង្ឃ ដោយសុខចិត្តលះបង់សិល្បៈ និងប្រពន្ធ កូន…
រាជធានីភ្នំពេញ ៖ តារាកំប្លែងប្រចាំស្ថានីយទូរទស្សន៍ CTN នាយ តាក់ស៊ី បានប្រកាសជំហរក្នុងបំណងចេញទៅបួសជាលោកសង្ឃ ដោយសុខចិត្តលះបង់សិល្បៈ និងប្រពន្ធ កូន…
រាជធានីភ្នំពេញ ៖ តារាកំប្លែងប្រចាំស្ថានីយទូរទស្សន៍ CTN នាយ តាក់ស៊ី បានប្រកាសជំហរក្នុងបំណងចេញទៅបួសជាលោកសង្ឃ ដោយសុខចិត្តលះបង់សិល្បៈ និងប្រពន្ធ កូន ព្រោះតែអស់សង្ឃឹមនឹងជំងឺទឹកនោមផ្អែមដ៏រាំរ៉ៃព្យាបាលមិនជា។ នេះបើយោងតាមការឲ្យដឹងពីលោក អ៊ឹម ជីវ៉ា ដែលបានប្រកាសតាមបណ្តាញសង្គមហ្វេសប៊ុកនៅថ្ងៃទី២២ ខែមេសា ឆ្នាំ២០១៩នេះ បន្ទាប់ពីបានប្រាស្រ័យទាក់ទងផ្ទាល់ជាមួយតារាកំប្លែងខាងលើនេះ។
ដំណឹងដ៏ភ្ញាក់ផ្អើលនេះ បានក្លាយជាទីចាប់អារម្មណ៍យ៉ាងខ្លាំងសម្រាប់មហាជនគាំទ្រតារាកំប្លែងរូបនេះ ក្នុងពេលដែលលោក អ៊ឹម ជីវ៉ា បានលាតត្រដាងនូវរឿងរ៉ាវពិតដែលស្ថិតនៅពីក្រោយភាពកំប្លុកកំប្លែងរបស់នាយ តាក់ស៊ី ដែលស្តាប់ទៅគួរឲ្យអាណិតអាសូរ។
បើយោងតាមអ្វីដែលលោក អ៊ឹម ជីវ៉ា បានសរសេរបង្ហោះតាមហ្វេសប៊ុកបានឲ្យដឹងថា អាណិតតារាកំប្លែងនាយតាក់ស៊ីណាស់ ផ្អាកពីសិល្បៈបែរជាទៅបួសជាព្រះសង្ឃរហូត ដោយសារតែជំងឺរ៉ាំរ៉ៃខ្លាំងពេក ។
លោកបញ្ជាក់ថា ខ្ញុំស្គាល់បងតាក់ស៊ី១៤ឆ្នាំហើយ ក្នុងឆ្នាំ២០០៥ គឺតាំងពីគាត់កំប្លែងនៅទូរទស្សន៍ប៉ុស្តិ៍លេខ៣ម្ល៉េះ គាត់ខំប្រឹងប្រែងតស៊ូនឹងសិល្បៈណាស់ បានតិចតួចគាត់មិនដែលមាត់.កដូចគេទេ ឱ្យតែហៅគាត់ទៅកំប្លែង! ។
កន្លងមក ខ្ញុំនិងគាត់មិនសូវជាបានជួបគ្នាទេដោយសាររវល់រៀងៗខ្លួន តែអ្វីដែលធ្វើឱ្យខ្ញុំភ្ញាក់ផ្អើល និងហួសចិត្តនោះ គឺខ្ញុំកំពុងតែអង្គុយហូបបាយ ស្រាប់តែគាត់ដើរមកប្រាប់ខ្ញុំថា ជីវ៉ាអើយ បងជិតផ្អាកពីសិល្បៈហើយ ខ្ញុំសួរគាត់វិញថា ថីបានបងឯងឈប់ ?? គាត់ថា គាត់ទៅបួសរហូត !! ខ្ញុំសួរថា ចុះក្រុមគ្រួសាប្រពន្ធកូន? គាត់ឆ្លើយថា ខ្ញុំទៅបួសនេះ គឺមិនយកអ្វីទៅទាំងអស់ គឺសុំផ្ញើខ្លួនតែលើព្រះសង្ឃទេ ហើយខ្ញុំក៏បានប្រាប់ប្រពន្ធខ្ញុំដែរថា ឱ្យគាត់ទៅរកអ្នកណាថ្មីទៅ ខ្ញុំសុខចិត្តលះបង់ទាំងអស់ !!!។
បងតាក់ស៊ីគាត់និយាយទាំងទឹកមុខក្រៀមក្រំថា ខែ៥ គឺខែឧសភានេះ បងទៅបួសហើយ រាល់ថ្ងៃបងមិនអាចទប់នឹងជំងឺទឹកនោមផ្អែម និងជំងឺផ្សេងទៀតបានទេ គឺបងពិបាកទ្រាំណាស់ប្អូនអើយ ពេលខ្លះថប់ដង្ហើមសន្លប់ស្ទើររាល់ថ្ងៃក៏មាន ។ ខ្ញុំប្រាប់គាត់ថា ម៉េចក៏បងមិនទៅពេទ្យ គាត់ថា គាត់ទៅអស់ហើយ តែពិបាកណាស់អូនអើយ គាត់និយាយទាំងទឹកមុខក្រៀមក្រំ ។ ខ្ញុំពិតជាអាណិតបងតាក់ស៊ីណាស់ អ្វីដែលខ្ញុំអាចជួយបងបានមានតែផ្តល់កម្លាំងចិត្តឱ្យបងឆាប់ជាពីជំងឺ សូមបងកុំអស់សង្ឃឹម ។
យ៉ាងណាជុំវិញបញ្ហាខាងលើនេះ កោះសន្តិភាពនៅមិនទាន់បានសុំការបកស្រាយពីតារាកំប្លែងនាយ តាក់ស៊ី នៅឡើយទេ គិតត្រឹមថ្ងៃទី២២ ខែមេសា ឆ្នាំ២០១៩ នេះ។ ដោយឡែកពាក់ព័ន្ធបញ្ហាខាងលើនេះដែរ អ្នកដឹកនាំកម្មវិធីកំសាន្តរបស់ស្ថានីយទូរទស្សន៍ CTN លោក សុវណ្ណ រិទ្ធី ហៅតាវ៉ិចទ័រ បានអះអាងប្រាប់កោះសន្តិភាពតាមសារអេឡិចត្រូនិចថា លោកធ្លាប់បានលឺពាក្យសម្តីខាងលើនេះ ពេលលោក តាក់ស៊ី យូរហើយដែរ ប៉ុន្តែរហូតមកដល់ពេលនេះគឺមិនទាន់ឃើញអ្វីប្រែប្រួលដូចគាត់និយាយនោះឡើយ។
លោកនិយាយថា ពូលឺតែគាត់និយាយពាក្យហ្នឹង ខែ01 គាត់ថា ខែ2 ខែ04 គាត់ថា ខែ05 ចាំឱ្យច្បាស់សិន ព្រោះមិនទាន់មានជាលាយលក្ខណ៍អក្សរមកពូទេ។
ជាការកត់សម្គាល់ការប្រកាសបួសជាព្រះសង្ឃរបស់នាយ តាក់ ស៊ី នាពេលនេះបានកើតឡើងស្រដៀងគ្នាផងដែរ កាលពីអំឡុងចុងឆ្នាំ២០១៨ ដែលគេបានប្រទះឃើញតារាកំប្លែងរូបនេះបានដើរតែម្នាក់ឯងនៅលើភ្នំគូលែន ដោយស្លៀកពាក់.សគួរឲ្យភ្ញាក់ផ្អើល។ រឿងរ៉ាវនេះ លោក សុវណ្ណ រិទ្ធី ក៏ធ្លាប់បានអះអាងប្រាប់សារព័ត៌មាននៅក្នុងស្រុកដែរថា កូនក្រុមរបស់លោកបានសុំការអនុញ្ញាតពីលោកទៅបួសនៅលើភ្នំគូលែននេះ។ លោកបញ្ជាក់ថា «គាត់ចង់បួសបែបនេះយូរមកហើយ និងបានព្យាយាមសុំច្បាប់ខ្ញុំ ហើយខ្ញុំប្រាប់ថា មិនអីទេ រើសរកវេលាណាមួយទៅ លៃយ៉ាងណាកុំឲ្យប៉ះពាល់ការងារ»៕
ចែករំលែកព័តមាននេះ