ខេត្តកណ្តាល ៖ ជនសង្ស័យម្នាក់បានត្រូវនគរបាលស្រុកស្អាងសហការជាមួយនគរបាលប៉ុស្ដិ៍ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ធ្វើការឃាត់ខ្លួនខណៈដែលជនសង្ស័យ បានទៅលេងផ្ទះជនរងគ្រោះរួចប្រើល្បិចខ្ចីម៉ូតូទៅទិញសាំងរួចយកទៅតែម្តង ។ ហេតុការណ៍នេះបានកើតឡើងនៅថ្ងៃទី១៩ ខែមេសា…
ខេត្តកណ្តាល ៖ ជនសង្ស័យម្នាក់បានត្រូវនគរបាលស្រុកស្អាងសហការជាមួយនគរបាលប៉ុស្ដិ៍ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ធ្វើការឃាត់ខ្លួនខណៈដែលជនសង្ស័យ បានទៅលេងផ្ទះជនរងគ្រោះរួចប្រើល្បិចខ្ចីម៉ូតូទៅទិញសាំងរួចយកទៅតែម្តង ។ ហេតុការណ៍នេះបានកើតឡើងនៅថ្ងៃទី១៩ ខែមេសា ឆ្នាំ២០១៩ វេលាម៉ោង១៤និង០០នាទី ស្ថិតចំណុចភូមិរកា ឃុំក្រាំងយ៉ូវ ស្រុកស្អាង ខេត្ដកណ្ដាល ។
ជនរងគ្រោះឈ្មោះសុន ថាវរី ភេទស្រី អាយុ១២ឆ្នាំ ជនជាតិខ្មែរ (សិស្ស) មានទីលំនៅភូមិរកាឃុំក្រាំងយ៉ូវ ស្រុកស្អាង ។ ជនសង្ស័យឈ្មោះឆៅ វ៉ាន់នី ភេទប្រុស អាយុ២២ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិទួលខ្មួញ ឃុំទឹកវិលស្រុកស្អាង ខេត្តកណ្តាល ។ ការបាត់បង់ខូចខាតម៉ូតូចំនួន១គ្រឿង ម៉ាកហុងដាសេ១២៥ ពណ៌ខ្មៅ សេរីឆ្នាំ២០១៩ ផ្លាកលេខ១AE ៥៨៨៧ ។
ចំពោះវត្ថុតាងចាប់យកមាន ម៉ូតូចំនួន១គ្រឿង ម៉ាកហុងដាគប់ជ្រុង៩០ ពណ៌ទឹកប៊ីច ស្លាកលេខកណ្ដាល ១AF-២០១៦ ។ នគរបាលស្រុកស្អាងបានអោយដឹងថា នៅថ្ងៃទី១៩ ខែមេសា ឆ្នាំ២០១៩ វេលាម៉ោង១៤និង០០នាទី មានឈ្មោះឆៅ វ៉ាន់នី រាប់អាន និងមកលេងនៅផ្ទះឈ្មោះរុំ ស្រីសាវ (ត្រូវជាម្ដាយឈ្មោះ សុន ថាវរី) ស្ថិតភូមិរកា ឃុំក្រាំងយ៉ូវ ពេលនោះឈ្មោះឆៅ វ៉ាន់នី បានប្រើឲ្យឈ្មោះសុន ថាវរី ទិញបាកាសឲ្យខ្លួន ។
ក្រោយពេលឈ្មោះសុន ថាវរី ជិះម៉ូតូយកបាកាសមកឲ្យ ភ្លាមនោះឈ្មោះឆៅ វ៉ាន់នី បានខ្ចីម៉ូតូពីឈ្មោះសុន ថាវរី ដោយនិយាយថា ទៅទិញសាំងមកចាក់ម៉ូតូ (គុបជ្រុង) ឈ្មោះសុន ថាវរីបានប្រគល់ម៉ូតូម៉ាកហុងដាសេ១២៥ខាងលើទៅឈ្មោះឆៅ វ៉ាន់នី ជិះទៅបាត់ រហូតដល់សព្វថ្ងៃ ដោយបន្សល់ទុកនូវម៉ូតូម៉ាកហុងដាគុបជ្រុង១គ្រឿង នៅកន្លែងកើតហេតុ ។ លុះថ្ងៃទី២០ មេសា ២០១៩ វេលាម៉ោង១០ព្រឹក ទើបមានឈ្មោះរុំ ស្រីសាវ មកប្ដឹងសមត្ថកិច្ចនគរបាលប៉ុស្តិ៍ក្រាំងយ៉ូវ ។
ក្រោយពេលទទួលបានព័ត៌មាននេះភ្លាមលោកវរសេនីយឯកសេង សុជាតិ អធិការនគរបាលស្រុកស្អាងបញ្ជាកម្លាំងប៉ុស្ដិ៍ក្រាំងយ៉ូវ សហការជាមួយកម្លាំងផ្នែកព្រហ្មទណ្ឌស្រុកធ្វើការស្រាវជ្រាវប្រមូលផ្ដុំសំណុំរឿង និងបានសហការជាមួយកម្លាំងនគរបាលប៉ុស្ដិ៍ចោមចៅទី១ ខណ្ឌពោធិ៍សែនជ័យ រាជធានីភ្នំពេញ ឃាត់ខ្លួនបានឈ្មោះឆៅ វ៉ាន់នី រួមទាំងវត្ថុតាង (ម៉ូតូ) នៅថ្ងៃទី២១ខែមេសានេះ រួចបញ្ជូនមកអធិការដ្ឋាននគរបាលស្រុកស្អាង ដើម្បីបន្ដអនុវត្តតាមនីតិវីធី៕
ចែករំលែកព័តមាននេះ