ខេត្តកោះកុង ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិច ខណៈពេលចូលឆ្នាំខ្មែរប្រពៃណីជាតិនៅក្នុងថ្ងៃទី២នេះ មានអគ្គិភ័យបានឆាបឆេះផ្ទះប្រជាពលរដ្ឋមួយខ្នងសង់ពីឈើ បង្កឱ្យមានការភ្ញាក់ផ្អើលកាលពីម៉ោង៤ល្ងាច នាថ្ងៃទី១៤ ខែមេសា ឆ្នាំ២០១៩ នៅចំណុចក្រោយ អៀង អាយ ចាស់ ស្ថិតក្នុងភូមិ២ សង្កាត់ស្មាច់មានជ័យ ក្រុងខេមរភូមិន្ទ ។
សេចក្តីរាយការណ៍បន្តថា ម្ចាស់ផ្ទះខាងលើមានឈ្មោះ កែន គឹមហាន ភេទប្រុស អាយុ៤៧ឆ្នាំ ហើយមូលហេតុដែលបណ្តាលឱ្យកើតមានអគ្គិភ័យនេះ គឺបណ្តាលមកម្ចាស់ផ្ទះអ៊ុជធូបនៅខាងលើ ហើយអង្គុយលេងនៅខាងក្រោមផ្ទះ ស្រាប់តែមានភ្លើងធូបឆាបឆេះបង្កឱ្យការភ្ញាក់ផ្អើលតែម្តង។
សេចក្តីរាយការណ៍បន្តថា ខណៈពេលនេះកម្លាំងសមត្ថកិច្ចបាននាំគ្នាជួយទប់ស្កាត់ ដើម្បីមិនអោយរាលទៅឆេះផ្ទះជិតខាងបានទាន់ពេលវេលា ដោយប្រើប្រាស់រថយន្តពន្លត់អគ្គិភ័យបាញ់ទឹកចំនួន១០ឡាន ។
ចែករំលែកព័តមាននេះ