រាជធានីភ្នំពេញ ៖ យោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈឲ្យដឹងថា គ្រោះថ្នាក់ចរាចរណ៍ទូទាំងប្រទេសមុនចូលឆ្នាំខ្មែរមួយ គឺថ្ងៃ១៣ ខែមេសា ឆ្នាំ២០១៩ បានកើតឡើង២៤លើក ស្លាប់១៤នាក់…
រាជធានីភ្នំពេញ ៖ យោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈឲ្យដឹងថា គ្រោះថ្នាក់ចរាចរណ៍ទូទាំងប្រទេសមុនចូលឆ្នាំខ្មែរមួយ គឺថ្ងៃ១៣ ខែមេសា ឆ្នាំ២០១៩ បានកើតឡើង២៤លើក ស្លាប់១៤នាក់ ក្នុងនោះស្រី២នាក់ របួសធ្ងន់៣៦នាក់ ស្រី១៤នាក់ របួសស្រាល៧នាក់ ស្រី៣នាក់។
ចំណែកមូលហេតុគ្រោះថ្នាក់ ចរាចរណ៍ គឺល្បឿនលឿន៥លើកស្លាប់៤នាក់, មិនគោរពសិទ្ធិ៨លើកស្លាប់ម្នាក់,មិនប្រកាន់ស្តាំ៤លើកស្លាប់៣នាក់, ប្រជែង៤លើកស្លាប់៥នាក់, បត់គ្រោះថ្នាក់១លើក,កត្តាយាន១លើកស្លាប់ម្នាក់, ស្រវឹង១លើក ។ សរុបស្លាប់១៤នាក់ ដោយម៉ូតូ១០នាក់ ក្នុងនោះមិនពាក់មួក៨នាក់ រថយន្តតូច២នាក់, ម៉ូតូរ៉ឺម៉ក់ម្នាក់១នាក់,គោយន្ត១នាក់ ។
គ្រោះថ្នាក់ចរារណ៍ដោយប៉ះទង្គិច មានម៉ូតូនិងម៉ូតូ៣លើក, ម៉ូតូនិងរថយន្តតូច១៣លើកស្លាប់៩នាក់, ម៉ូតូនិងរថយន្តធំ១លើកស្លាប់ម្នាក់, ម៉ូតូដួលខ្លួនឯង១លើក, ម៉ូតូនិងគោយន្ត១លើកស្លាប់ម្នាក់ ,ម៉ូតូនិងផ្សេងៗ៣លើក,រថយន្តតូចនិងរថយន្តតូច១លើកស្លាប់ម្នាក់,រថយន្តធំនិងរថយន្តធំ២ លើកស្លាប់១នាក់ បណ្តាលឲ្យខូចខាតយាន៤១គ្រឿង ក្នុងនោះមាន ម៉ូតូ២២គ្រឿង, រថយន្តតូច៨គ្រឿង, រថយន្តធំ៨គ្រឿង, យានផ្សេងៗ៣គ្រឿង ។
រីឯយានយន្តបង្កហេតុវិញមានម៉ូតូ៦លើក, រថយន្តតូច៥លើក, រថយន្តធំ៦គ្រឿង, យានផ្សេងៗ២លើក ហើយរាជធានី-ខេត្តដែលមានគ្រោះថ្នាក់ច្រើន មានខេត្តបាត់ដំបង៤លើកស្លាប់២នាក់ របួស៦នាក់ ក្នុងនោះស្រី៣នាក់, ត្បូងឃ្មុំ១លើកស្លាប់២នាក់ ក្នុងនោះស្រីម្នាក់, តាកែវ១លើកស្លាប់១នាក់ របួស១នាក់, ភ្នំពេញ២លើកស្លាប់១នាក់របួស១១នាក់(ស្រី១នាក់), ឧត្តរមានជ័យ១លើកស្លាប់១នាក់ របួស១៣នាក់ (ស្រី៩នាក់), ព្រះសីហនុ១លើក ស្លាប់១នាក់ និងខេត្តកំពង់ស្ពឺ១លើកស្លាប់១នាក់ ។
ចំពោះលទ្ធផលត្រួតពិនិត្យថ្ងៃទី១៣ខែមេសា ឆ្នាំ២០១៩ នេះ គឺ មធ្យោបាយចូលគោលដៅ១៤៨១គ្រឿង (ម៉ូតូ៧០%) មធ្យោបាយបទល្មើស៣៣១គ្រឿង (៨២%) អប់រំ១៣១គ្រឿង (ម៉ូតូ៤០%) មធ្យោបាយពិន័យ២០០គ្រឿង (ម៉ូតូ១០០%) ៕
ចែករំលែកព័តមាននេះ