ខេត្តប៉ៃលិន ៖ កម្លាំងនគរបាលនៃស្នងការដ្ឋាននគរបាលខេត្តបានចុះបង្ក្រាបករណីជួញដូរផ្លូវភេទ និងមនុស្សមួយកន្លែង ដែលឃាត់ខ្លួនមនុស្សប្រុសស្រីជាច្រើននាក់ ។ ហេតុការណ៍នេះបានកើតឡើងនៅយប់ថ្ងៃទី១០ ខែមេសា ឆ្នាំ២០១៩ ត្រង់ចំណុចទីតាំងរកស៊ីជួញដូរផ្លូវភេទមួយកន្លែង…
ខេត្តប៉ៃលិន ៖ កម្លាំងនគរបាលនៃស្នងការដ្ឋាននគរបាលខេត្តបានចុះបង្ក្រាបករណីជួញដូរផ្លូវភេទ និងមនុស្សមួយកន្លែង ដែលឃាត់ខ្លួនមនុស្សប្រុសស្រីជាច្រើននាក់ ។ ហេតុការណ៍នេះបានកើតឡើងនៅយប់ថ្ងៃទី១០ ខែមេសា ឆ្នាំ២០១៩ ត្រង់ចំណុចទីតាំងរកស៊ីជួញដូរផ្លូវភេទមួយកន្លែង ស្ថិតនៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។
ប្រភពព័ត៌មានពីលោកអេង ភាវ នាយការិយាល័យជួញដូរមនុស្ស និងអនីតិជនបានឱ្យដឹងថា បន្ទាប់ពីទទួលបញ្ជារបស់លោកតូច សុភក្តី ព្រះរាជអាជ្ញាអមសាលាដំបងខេត្ត កម្លាំងរបស់លោកក៏បានចុះបង្ក្រាបភ្លាមៗ ហើយឃាត់ខ្លួនបានជនជាតិវៀតណាមចំនួន៩នាក់ និងខ្មែរម្នាក់ជាម្ចាស់ផ្ទះក្នុងនោះសមត្ថកិច្ចក៏បានរកឃើញក្មេងស្រីម្នាក់ដែលជាអនីតិជនផងដែរ ។ លោកបានបន្តឱ្យដឹងទៀតថា ក្នុងការប្រតិបត្តិការនេះកម្លាំងសមត្ថកិច្ចនគរបាលបានរកឃើញនូវវត្ថុតាង ស្រោមអនាម័យ ប្រើប្រាស់រួចមួយចំនួន ។
លោកបានបញ្ជាក់ទៀតថា ក្នុងចំណោមមនុស្ស១០នាក់ ដែលត្រូវឃាត់ខ្លួនខាងលើមានថៅកែជាជនជាតិវៀតណាមចំនួន២នាក់ អ្នកមើលការខុសត្រូវចំនួន២នាក់ អ្នកបម្រើសេវាផ្លូវភេទចំនួន៦នាក់ (ម្នាក់ជាអនីតិជនមិនគ្រប់អាយុ) ហើយសម្រាប់ក្មេងស្រីដែលមិនទាន់គ្រប់អាយុ គឺថៅកែបម្រុងនឹងនាំនាងទៅលក់ព្រហ្មចារីនៅឯខេត្តព្រះសីហនុ ។ លោកបន្ថែមទៀតថា បច្ចុប្បន្នជនសង្ស័យត្រូវបានកម្លាំងជំនាញយទៅសួរនាំនៅស្នងការដ្ឋាននគរបាលខេត្តប៉ៃលិន ដើម្បីរៀបចំកសាងសំណុំរឿងបញ្ជូនទៅកាន់សាលាដំបូងខេត្តប៉ៃលិនឱ្យចាត់ការតាមនីតិវិធីច្បាប់ ៕
ចែករំលែកព័តមាននេះ