ហួសពីចម្លែក…រកឃើញឃ្មុំ៤ក្បាលរស់ក្នុងភ្នែកនាង
តាមប្រភពពី Oddity Central បានឱ្យដឹងថា ស្ត្រីជនជាតិតៃវ៉ាន់ម្នាក់ ត្រូវបានគ្រូពេទ្យរកឃើញថាមានឃ្មុំ៤ក្បាលរស់នៅក្នុងភ្នែក ដោយក្រេបទឹកភ្នែកជាអាហារ ។ ស្ត្រីត្រកូល He…
តាមប្រភពពី Oddity Central បានឱ្យដឹងថា ស្ត្រីជនជាតិតៃវ៉ាន់ម្នាក់ ត្រូវបានគ្រូពេទ្យរកឃើញថាមានឃ្មុំ៤ក្បាលរស់នៅក្នុងភ្នែក ដោយក្រេបទឹកភ្នែកជាអាហារ ។ ស្ត្រីត្រកូល He…
តាមប្រភពពី Oddity Central បានឱ្យដឹងថា ស្ត្រីជនជាតិតៃវ៉ាន់ម្នាក់ ត្រូវបានគ្រូពេទ្យរកឃើញថាមានឃ្មុំ៤ក្បាលរស់នៅក្នុងភ្នែក ដោយក្រេបទឹកភ្នែកជាអាហារ ។ ស្ត្រីត្រកូល He បានប្រាប់ថា គាត់បានទៅរៀបចំផ្នូររបស់សាច់ញាតិ ហើយក៏ត្រូវខ្យល់បក់ដីចូលភ្នែក ។ គាត់ក៏បានលាងភ្នែកនឹងទឹកស្អាត តែក្រោយមក ក៏កាន់តែឈឺចាប់នៅភ្នែកខាងឆ្វេង មុនពេលចាប់ផ្តើមហូរទឹកភ្នែក ។
ស្ត្រីវ័យខ្ទង់២០ឆ្នាំរូបនេះ ត្រូវបានគេបញ្ជូនទៅមន្ទីរពេទ្យសាកលវិទ្យាល័យ Fooyin នៅក្នុងស្រុក Pingtung តៃវ៉ាន់ ដែលគ្រូពេទ្យឯកទេសចក្ខុរោគមានការភ្ញាក់ផ្អើលយ៉ាងខ្លាំង ដោយឃើញសត្វឃ្មុំបួនក្បាលនៅក្នុងភ្នែក ហើយកំពុងតែក្រេបទឹកភ្នែកនាងជាអាហារ។
ភ្នែករបស់ស្ត្រីត្រកូល He មានការហើយនៅត្របកភ្នែក និង រលាកនៅគ្រាប់ភ្នែក ដោយសារតែមានការបង្ករោគនិងរលាកនៅកែវភ្នែក ជាមូលហេតុនៃការក្រេបជញ្ជក់ទឹកភ្នែកពីសំណាក់សត្វឃ្មុំអស់រយៈពេលជាច្រើនម៉ោង ។
លោកវេជ្ជបណ្ឌិតឯកទេស Hung Chi-ting បានប្រាប់ថា៖ «ខ្ញុំបានឃើញអ្វីមួយដែលដូចទៅនឹងជើងរបស់សត្វល្អិត ។ ដូចនេះ ខ្ញុំក៏ទាញវាចេញមកតាមរយៈការមើលតាមមីក្រូទស្សន៍។ វាគឺជាសត្វឃ្មុំបួនក្បាល» ។ក្រោយពីយកឃ្មុំចេញអស់ហើយ គេបានធ្វើការព្យាបាលរហូតទាល់តែអ្នកជម្ងឺទៅផ្ទះធម្មតា៕
ចែករំលែកព័តមាននេះ